انا بحب الازهر جدا بس قرفت بصراحة من الشغل فيه انا معلمة حاسب و معنديش اجهزة كفاية و لا ترابيزات كفاية و لا كراسي الولاد و البنات يقعدوا عليها
من فترة شهرة جابوا تخت من بتاعت الفصول
رغم ان المعهد مش محتاج!! و التخت كلها كويسة المهم دخلوا التخت الجديدة في الفصول و اخدت انا التخت القديمة لمعملي و حاطيناها كدة امام الاجهزة و البنات بتقعد عليها و مشينا بيها الحال رغم ان ده بيصعب عليا مهمتي لاني بمر على البنات اثناء عملهم على الاجهزة عشان اوجههم و اشرح لهم
تاني حاجة جابوا مكاتب و ترابيزات جديدة و قال ايه للتصحيح و للمدرسين عشان يحضروا عليها احنا اصلا معهد صغير و المدرسين قليلين و كتير منهم منتدبين في معاهد تانية و بجد بجد محدش كان محتاج ترابيزات و مكاتب يحضر عليها!!..المهم ناظر المعهد رفض انى آخد واحدة بس لمعملي ...انا كنت هموت على واحدة بصراحة و كنت بافكر اعشتري واحدة على حسابي بس لقيتها حتاخد كل المرتب...انا زانقة الاجهزة في بعض و بحط الكيسات في الارض عشان اشغل كل الاجهزة لاننا في حسب جهاز.
و انا منتدبة لمعهد تاني و عندنا جهاز عرض ضوئي مش بروجيكتور انما اقصد جهاز عرض الشرائح و محدش بيستخدمه لان الشرائح الشفافة اللي بتكتب عليها و الاقلام اللي المخصصة للكتابة على الشرائح دي مش متوفرة
كنت منتدبة في معهد نموذجي و نفس المشاكل موجودة و المشكلة انهم جابوا تسع اجهزة جديدة اول ما بدأت الانتداب و كالعادة مفيش ترابيزات و قمت انا اتصرفت عشان اشغل اكبر عدد ممكن من الاجهزة و بالفعل شغلت اربعة من التسع اجهزة و مازالت مشكلة الكراسي قائمة..لاحظوا ان ده بيحصل في معهد نموذجي كان عندي فيه اكثر من 25 طالب في الفصل و في المعهد الاول كان عندي 15 طالبة و اربع اجهزة . و بالمناسبة المعهد ده لا يوجد فيه مكتبة.!!و المعهد التاني حوالي 20 طالب و اربع اجهزة كمان و المعمل هو نفسه المكتبة و ده معناه ان الاجهزة مش في عهدتي و المعمل مفتوح كل يوم مش وجودي و ده بسبب ان بعض ملحقات الاجهزة من فارات و لوح مفاتيح تتلف من اللعب فيها و نقلها من جهاز للتاني...
هل مشكلة نقص الامكانيات المادية دي شئ عادي في الازهر؟!
انا عارفة يا سيادة المستشار الازهري انك مش حتقدر تفيدني بحاجة بس واسيني
