بالمناسبة انا حصصي قليلة فبقضي اغلب وقتى اراقب عمل بقية زملائي و بما اني براقب في الامتحانات لاحظت ان العيال عندنا في قمة البلادة بصراحة اكتر من العام و بصراحة زعلانة جدا من ده لاني لما بدأت الشغل في الازهر كنت فخورة و توقعت انى حلاقي مستوى افضل خصوصا في اللغة العربية بس ده محصلش
و بعد بحث و فحص وجدت ان السبب هو عدم الاهتمام بالقراءة رغم انه يفترض انه فيه حصة مكتبة او حصة مطالعة و نصوص تابعة للغة العربية..و كما قلت في مشاركتي السابقة معهدي الاول لا يوجد به مكتبة و المعهد الثاني مكتبته مغلقة اغلب اليوم و زي ما قلت ان معمل الحاسب و المكتبة في حجرة واحدة فطوال سنتين لم ارى الطلاب يدخلون للقراءة..الولاد مستواهم ضعيف جدا في الاملاء و معلوماتهم و ثقافتهم ضحلة جدا مبيعرفوش يكتبوا مواضيع الانشاء حتى لو كانت تافهه مبيعرفوش يعبروا و لا حتى بيرسموا لان ملكة الخيال عندهم ميتة..و السبب انهم مبيقروش...الولاد لازم يقروا يا جماعة لازم نشوف حل للمشكلة دي
كان فيه زمان حاجة اسمها النادي الصيفي في المدارس العامة اللي هي المدارس تفتح في الصيف لممارسة الانشطة و القراءة و شخصيا كبرت و انا بروح المدرسة في الصيف عشان اقرأ و كانت اجمل ايام عمري و اجمل جائزة تلقيتها كانت كتاب في مسابقة مدرسية... ليه الايام دي مترجعش ولادنا من حقهم يقروا و يتثقفوا..
انا عملت اللي عليا و مليت الاجهزة عندي كتب الكترونية تخصصات مختلفة و كتير منها كتب شرعية قرآن و تفسير بس يقروا امتى و ازاى؟!
انا بلاحظ في بعض الولاد و البنات و انا بدرس للمرحلة الاعدادية بالمناسبة بوادر مواهب رائعة جدا و نبوغ محتاج رعاية بس مش لاقيين الفرصة و عندهم حب رهيب للتعليم بس ضعف الامكانيات بيقتل الحب ده.. بجد حاجة تجيب الاحباط..
مرة تانية آسفة على ازعاجك يا سيادة المستشار الازهري...لو عندك اقتراحات لحل المشكلات دي فياريت تقولها
|