اقتباس:
المشاركة الأصلية كتبت بواسطة shimaa2009
اولا/ باشكرك على الموضوع الجدير بالنقاش
ثانيا احب اعرفك مش لازم تقعد على القهوه لعند لما تلاقى وظيفه ..ممكن تشتغل فى اى مكان بس اهم حاجه بالحلال ...بصراحه ما بأيدش ان الولد يقعد على القهوه ويستنى الوظيفه ...يحاول يفتح اى مشروع حتى لو صغير ...وان شاء الله الصغير يكبر...
انا عندى دكتور فى الجامعه بيبيض الشقق بعد مايطلع من الشغل ماشاء الله عليه ...وكبير فى السن كمان ...
مع انه حالته الماديه كويسه
بس بيقول ان الشغل مش عيب
احترامى وتقديرى
|
عجبتني قصة دكتور الجامعة دي
لكن والله انا اتعجب من الناس بتوع القمة دول
اتعلموا ده كله عشان يدخلوا و يشتغلوا عشان يقبضوا مرتب كويس؟؟
طيب ايه لزمتها
طيب ماكنت خدت كورسين برمجة ولا حاجة و اشتغلت بيهم و قبضتلي 3 او 4 الالاف كل شهر بدل م اتعب نفسي اربع سنين في كلية
لكن في البلد دي العجب هو القانون
القانون هو اللاقانون فيها
سبحان الله
عامة مرورك نورني
شكراً لمرورك
اقتباس:
المشاركة الأصلية كتبت بواسطة نقاء الروح
الكل بيقعد عالقهوة 
مافيش قمة ولا مش قمة
لأن مافيش تعليم اساسا !
وزي ماحضرتك قولت لازم الخريج مايكتفيش بال تلاقاه
لكن يثقف نفسه بنفسه ويتدرب على متطلبات سوق العمل
وربنا يسهل وحالنا يتعدل
شكرا عالموضوع الجميل
|
لو قيسناها علي اساس العلم
ممكن المثقف لوحده ده يبقي عنده علم اكتر من اللي متخرج من كلية المجال ده
لكن علي اساس الشغل تختلف
طيب انا اتعلمت في كلية و بعدين؟؟
ايه فايدة ده كله
هو انا بتعلم عشان اشتغل بس
ولا بتعلم عشان افيد بلديو ارفعها لفوق؟؟
الله اعلم
ربنا يهدي الجميع
و شكراً لمرورك
اقتباس:
المشاركة الأصلية كتبت بواسطة فجر الغد
اظن ان المفروض بعد الثورة منلاقيش مشاكل للبطاله
لو كل الموارد اللى فى مصر استغلت صح والحكومة الجديدة بدات تعمل لصالح الشعب مش لصالح نفسها
الشغل والتعيين هيكون كتير بس اهم حاجة كل اللى يتولى مسئوليه يكون ادها يبطلوا يفكروا مصالحهم وبس
الثورة تكون بجد نجحت لما تحقق العداله عداله اجتماعية وتوزيع الفرص كمان على حسب الكفاءة وده اللى مفروض يحصل
والمفروض مش بس لااجيال اللى جايه لا كمان الاجيال اللى اتخرجت لازم الحكومة تفكر فيهم شوية
|
والله لو بطلنا نحلم نموت يا استاذ
انا نفسي كلامك يحصل
لكن علي يقين انه مش هيحصل
قبل ما نحكم عقلنا الاول و نشوف اللي بنعمله في نفسنا ده في المجتمع دلوقت
مصر متلصمة تقريباً
زقة من اي جهة هتخربها
لغاية الانتخابات و هتفضل كده و بعدها هتحصل فوضي برضه لكن مش هتستقر دلوقت خالص
فربنا يستر
لو ربع الفلوس اللي اتنهبت اتعمل بيها مشروعات توفر فرص عمل كان زماننا دلوقت زي الصين و بنصدرلهم فوانيس كمان
ربنا يقدم اللي فيه الخير
و شكراً لمرورك
اقتباس:
المشاركة الأصلية كتبت بواسطة احمد ابوالفتوح 2020
موضوع جميل و جدير بالحوار
|
جزاك الله كل خير .... لكن نود ان نسمع رأيك يعني في هذا الموضوع الجدير بالحوار
اقتباس:
المشاركة الأصلية كتبت بواسطة solidsnake
سمعني أحلي سلام
|
لوزير التعليم المصري
سمعني احلي سلام لوزير التعليم العالي
سمعني احلي سلام للتعليم في مصر
و رقصني يا جدع
اقتباس:
المشاركة الأصلية كتبت بواسطة lost dreamer
فعلا
القهوه قبل 25 يناير
غير القهوه بعد 25
مين دلوقتي مش عاطل
في ناس يوميا بيدورو علي شغل دلوقتي
ومش لايقين
فكروني بمحمد هنيدي
انا بدور 24 ساعه علي شغل
لدرجة اني مش فاضل اشتغل
|
يمكن البحث عن شغل يبقي شغل الفترة اللي جاية
خاصةً بعد العدد اللي استغنوا عنه في بعض الشركات القهاوي ازدحمت اكتر
فالحالة اصبحت تيت جداً و الموضوع اصبح عصيب للغاية
شكراً لمرورك اللطيف
اقتباس:
المشاركة الأصلية كتبت بواسطة x-designer
"إنا لا نضيع أجر من أحسن عملاً"
صدق الله العظـيم
الموضوع يـااحمد مش فكرة خريج ايه الموضوع اصبح
اجتهاد انا هتكلم بصراحة طالب الثانوي العام بيطلع عينه
من المناهج وده موضوع اتكلمنا فيه كتير ومعظمنا اما فيه
او خلصه فيعني مش محتاج توضيح ازاي بيطلع عينه المهم
الطالب الغلبان ده قاعد بيمني النفس بالجامعة والناس بتقوله
خش بس انت جامعة محترمة ومالكش دعوة وماتذاكرش الا
في اخر شهر .. الـخ المهم ده اللي بيحصل لان طالب الهندسة
مقتنع انه خلاص خلص يبقي هيتخرج في ثواني يشتغل بمرتب
4000 جنية والحياة فلة ماهو هندسة وده كله طبعا غلط لان
المفروض يسعي لاكثر من ذلك يعني خلاص ده مجاله لاخر عمره
يبقي يحاول ينمي مهاراته فيه وارجع واقول في فرق بين مهندس ومهندس ودكتور ودكتور وخريج تجارة وخريج تجارة
|
ده رجع لثقافة سيءة في مصراسمها كلية قمة و قلية فاع
مفتقدين اننا ندخل المجال اللي بنحبه و اللي نفسنا نتفوق فيه
لو انا دخلت مجال بحبه هبدع فيه و هتفوق و هفيد بلدي بيه
لكن لو نظامي كلية قمة و كلية قاع مش هينفع تماماً
فعشان كده احنا بنحاول اننا نعلم الناس حاجة جديدة بخصوص كده لكن واضح ان المصري مبيتغيرش
ربنا يوفقنا و يوفق الجميع
و الاجتهاد ضروري لكن كثيراً ما يتوج اجتهاد الذكي بطفرة و ليس مجرد نجاح علي غرار الطبيعي
و شكراً لمرورك علي الموضوع و رأيك القوي