[LoOoLy El Treikawya]

- ارمي الموبايل او احرقه

حسنى مبارك اخترع الموبايلات معلومة جديدة دى

2

- ارمي الدش واشتري اريال وخليك في القناة الاولي والتانية

والله ما جبنا دش الا عشان الثورة خصوصا لما القنوات المصرية كانت بتسرح بينا وميصدقهاش عاقل
أصل احنا ملناش فى التى فى اوى بس لما فصلو النت وكمان القنوات المصرية نافقت قلنا مبدهاش بقى جايينلك يا جزيرة
بس صحيح مكنتش اعرف ان حسنى المخلوع فنان كدة هو كمان اللى اخترع الأقمار الصناعية؟


3

-بلاش تركب مترو ولا تركب اتوبيسات سي تي ايه ولا غيره اخرك الترماي ولا قول للثورة ترجعلك الاتوبيس الاحمر تاني

كرامتنا اغلى شئ فى الدنيا اولا ثانيا نفس السؤال بيتكرر حسنى المخلوع دة طلع عبقرى هو اللى حفر للمترو وصنعه .. اكيد حضرتك كمان هتقوللى دة هو اللى كان بيسوق كل المتروات والاتوبيسات هههههههه بس شغلانة سواق شريفة عليه هو حرامى


4

- لو تعبت ورحت مستشفي ان شاء الله مترحوش مستشفي ولا مركز اتبني فعهده

دكتور حسنى المخلوع مش هيعالجنى ولا هو كان مع العمال بيبنى المستشفيات طوبة طوبة؟؟
بس بردو للأسف كل دى شغلانات شريفة عليه هو يقتل آه انما يعالج مظنش


5

- قوم اعمل مليونية علشان نهد مكتبه الاسكندرية

ههههههههه لا لا لا المليونية هنعملها عشان نرجع فلوسها اللى كانت بتسرقها الهانم سوزان مرات المخلوع وام الحرامية

ولا مستشفي 57357

مش دى تقريبا المستشفى اللى كان البلطجية بتوع العادلى وجمال وحسنى عاوزين يدخلوها يكسروها يوم السبت الموافق 29 يناير وشباب الثورة هم اللى دافعوا عنها وحموها ..

والكام كوبري اللي بناهم

فينك يا حسنى يا مكبورنا من غيرك مكناش هنعرف نبنى الكوبرى دة انت العامل وانت المستثمر وانت الطبيب وانت الحبيب وانت المهندس وانت المدرس وانت بابا وانت ماما وانت اخويا آااااااااه يا مخلوع

على كام فندق ومطارات ومصانع يعني نهد كله علشان نبداء على نضيف نجبهم الارض

على كدة حسنى متعدد المواهب . يمكن حضرتك تقصد المصانع اللى خصخصها مثلا
او يمكن المصانع اللى قفلها خالص

نقفل المدن الجديدة اللي عملها واللي عايش هناك جيب بعضك واقعد في خيمة في الميدان لو عندك كرامة

طبعا عندنا كرامة .. لو الثوار معندهمش كرامة يبقى مين اللى عندهم؟؟؟ ــــــــــــــــــــــــــــــــــــــ

لو عندك كرامة وبتقول انك مصري وارفع راسك فوق يبقي اعمل كل ده وابداء من جديد امسح اللي فات كله وعيش عيشه اهلك اه ونسيت قوم فز من النت والفيس بوك

هو كمان حسنى المخلوع اشترى الفيس ولا اى

يا ريت حضرتك متمسش الكرامة المصرية لان سورى مع احترامى كلامك دة هو اللى بعيد كل البعد عن الكرامة

أخى حضرتك ازاى تنسب كل حاجة اتعملت لحسنى المخلوع .. كل دة كان هيحصل بيه او من غيره وهو معملش حاجة ولا ضحى يعنى بالكوبرى الى اتبنى ولا باى افتتاح لمبنى هو كل المجهود اللى عمله انه قص الشريط

انا واثقة ان مصر كانت هتبقى احسن كتير لو حكمها حاكم عادل شريف فى التلاتين سنة دول

بس عارف حضرتك؟

يحشر المرء مع من أحب