بالنسبة لكلام سمسمايا : الانسان بطبيعته عايز يعيش عيشة سهلة من غير ما يتعب بس في ناس بتقدر تتغلب عال الموضوع دة وبتتعب وبتشتغل وفي ناس مش بتحاول تفكر انها تتعب وللاسف هو دة حال اكتر الشعب المصري و انا عارف ان بلدنا كويسة بس كويسة في حاجات معينة والحاجات دي مش بقت تفيدنا ...زي النيل : هانعمل اية بيه؟ماحنا بنشرب زينا زي غيرنا هاتقوليلي نزرع بية هاقولك فين الأراضي الي هانزرعها كلها صحراء جرداء ومحتاجة امكانيات عالية والدولة مش بيهون عليها تطلع من تحت ضرسها حاجة.....
مانتي شوفتي مشروع توشكى الي ضرب.......
هاتقوليلي الحضارة والفراعنة والاهرامات هاقولك الأهرامات اتشالت من العجائب السبعة والحضارة مش هاتجيبلنا شغل و مش هاتفتح لينا بيوت.....
البلد فيها مليارات مسروقة لو الحكومة تستخدمها للشعب هانكون شعب كويس جدا
الشباب الي قاعد عالقهاوي انا بعترف ان هم شباب فاشل بس ممكن اعرف فين الشغل الي هايشتغلوه؟
البطالة دى اول عامل فيها اليأس لأن الشباب شايف الناس الي معاها ملايين وهما واقفين على عربيات السندوتشات والفول والطعمية...............
الكلام مش هايخلص بس انا عارف ان انتوا فهمتوا قصدي
|