[حياتى وقف لله]

* طهارة الثوب والبدن

- تطهير الملابس المتنجسة داخل المنزل و خارج المنزل


احنا كلامنا كله من أول السلسلة عن الطهارة
عشان نتمكن من أداء العبادة

وطهارة الثوب والبدن والمكان من شروط صحة الصلاة

يعني ماينفعش واحدة تصلي وثوبها أو جسمها أو المكان اللي بتصلي فيه ..فيه نجاسة!

طهارة الثوب = الملابس
تشمل طبعا الملابس الداخلية و الخارجية
لازم تبقى طاهرة من أي نجاسة من النجاسات اللي اتكلمنا عليها قبل كده
(الافرازات - دم الحيض - دم النفاس -البول و البراز - أو حتى روث لامس اطراف ملابسها الخارجية وهي في الشارع)

* ملحوظة:
لما تيجي تغسلي الهدوم المتنجسة في الغسالة
اشطفيها الاول شطفة بالماء وبعدين تغسليها

وشوفي الموضوع ده
كيفية تطهير الملابس المتنجسة


** بالنسبة للمني
فالمني حكمه طاهر
يعني لو جه على الملابس أو الفرش لا ينجسها
فمن شاء ممكن يغسل الجزئية اللي جه عليها المني فقط من باب التنزيه.. وبكده يكون الثوب او الفرش طاهر



** وأنتي خارج البيت .. بفرض أن ملابسك لامسها في الشارع طين او نجاسة
لو هتمشي على أرض فيها تراب كتير بحيث أن التراب ده يشيل أثر بلل الطين أو النجاسة
فكده تعتبر ملابسك خلاص اتطهرت
وده من يسر الدين... والحمدلله!

وكان ده فعل الصحابيات رضي الله عنهن .. كانوا أكثر النساء حياءا
بتخاف الواحدة منهم أن حتى قدميها تتكشف ويبان حجمها أو شكلها وهي ماشية ..فكانت بتلبس لبس طويل لدرجة أنه يلامس الأرض
فواحدة من الصحابيات سألت النبي عن ذلك فأفتاهن أن الأرض اللي هتمشي عليها بعدها تطهر أثر النجاسة دي


عن حميدة أنها سألت أم سلمة زوج النبي صلى الله عليه وسلم ، فقالت : إني امرأة أطيل ذيلي ، وأمشي في المكان القذر ؟ ! فقالت أم سلمة : قال رسول الله صلى الله عليه وسلم :
" يطهره ما بعده "
صححه الألباني

>> لو أثر النجاسة مثلا رائحتها ... لسه موجود
فهنا لازم تغسلها بالماء حتى تزيل أثر النجاسة