انا مدرسه وكنت زيك بكره الرياضيات
فى الثانويه,يمكن لان المادة دى بتكون تراكميه,وكان اغلب المدرسين مش مهتمين بيها ولا بيبسطوا المعلومه عشان كده مع الوقت اصبح عنده عقده منها,ممكن اى ماده تانى تحبيها وتبقى متمكنه منها حتى لو كنتى ضعيفه فيها السنين اللى عدت لكن صعب مع الرياضه,لكن هتلاحظى انك بتحبى حاجات معينه مثلا حساب المثلثات واجزاء معينه من التفاضل هتلاقيها مفهومه ومش مرتبطه بخبرات سابقه وافكارها جديده عشان كده هتعدى فى الرياضه و ربنا يوفقك.لكن اهم نقطه لازم تاخدى بالك منها هو ان عقل الانسان فيه مجموعه من القدرات تختلف من شخص لاخر وعدم تقبلك للرياضيات لا يعنى ان قدراتك العقليه اقل من زميلاتك وليس معناه انك بتحفظى وبس,دى كلها اوهام ياما عانيت واتعقدت منها فى ثانويه,ربنا اعطانا قدرات مختلفه.والدليل على كده ان الانجليزى كانت ابسط ماده عندى ومش بحتاج اذاكرها اطلاقا ومع كده كنت بجيب درجات نهائيه فيها و زميلتى نفس الحال كانت بتحب الرياضه وتكره الانجليزى وكنا بنتحدى بعض ,هى تعقدنى بسؤال رياضه وانا اسد نفسها بسؤال انجليزى.باختصار ركزى على الاجزاء اللى بتحبيها من المنهج و دى مش نهاية الكون ولا انتى اقل من حد فيهم لان من المفاهيم الخطأ التى تنتشر فى الثانويه هى مين اللى بيفهم ومين اللى بيحفظ , والصح ان كل انسان عنده قدرات مختلفه.اتمنى تكونى استفدتى من كلامى
|