السلام عليكم و رحمه الله وبركاته
موضوع متميز يا مشتاقه زي ما متعودين
انا ردي علي الموضوع هيكون موجهه للمرشد او تعليقا علي كلامه
اقتباس:
المشاركة الأصلية كتبت بواسطة _Guide_
اولا بحيكى على موضوعك الجميل
انا كان عندى حلم صغير وبسيط انى ادخل الكلية اللى بحبها
طبعا المجموع مجبش فا اتساوت عندى كل الاحلام
ومبقتش فارقة معايا حلم زى كابوس بكرة زى ابمارح زى بعده
لان حلمى فى الكلية ده كنت حاسس انه ممكن يوصلنى للى انا عايزه ولما ضاع الحلم ده ضاعت معاه كل الاحلام التانية
وشكرا :D |
بص يا اسلام
كلامك فيه جزء من الصحه
بس انت شاب كويس و مثقف و دماغك شغاله
ليه تحط نفسك في القايمه بتاعت البؤساء
نابليون هيل قال ايه
بيقولك حياتنا كالمقطوعه الموسيقيه احيانا تعلو النغمه و احيانا تخفت و لكن في النهايه تشكل مقطوعه موسيقيه اما حزينه و اما سعيده
وكل من ادرك هذه الحقيقه بدا يخطوا اولي خطوات النجاح في حياته
انت تقريبا خلصت كليتك
طيب ما تسيبك من العلم اللي انت اتعلمته ده و استخدم دماغك في انها تجبلك فلوس
ليه تقول ان مع ضياع الحلم الاول تضيع كل الاحلام و متبقاش فارقه بالنسبالك
بصراحه تبقي انسان جبان و ضعيف لو سبت البلد دي من غير ما تاخد حقك
انا مش بكلمك في السياسه
انا بكلمك في مستوي المعيشه
شوف انت بقالك كام سنه بتتعلم وصرفت كام وتعبت اد ايه
خلاص حلمك ضاع مش مشكلة .. احلم تاني و الحلم التاني ان شاء الله تقدر تحققه
لانك اخدت خبرة من الحلم الاولاني اللي مقدرش اقولك عليه فاشل
بس هيا الحكايه ان الظروف مساعدتكش عليه بس
وف الاخر بقولك
سيبك م اللي اتعلمته و اللي كان ممكن يتحقق بالتعليم و صدقني والله العظيم دلوقتي تقدر تعمل اكتر من اللي كنت تقدر تعمله لو كنت في كليتك
شوف انت مهتم بإيه و هواياتك ايه وهيا هتجبلك فلوس
انا زي ما ملاحظ انك مهتم بالسياسه
اوك سياسه سياسه
بس حاليا خد المجال اللي مفهوش مشاكل
بشهاداتك الجامعيه و شوية اجتهاد جنب الشغل تقدر تحضر دكتوراه في القانون الدولي مثلا .. ليك في الادب ألفلك كتابين تلاته تدخل بيهم اتحاد الكتاب العرب و اعملك كارنيه نقابه الإعلاميين و برستيج و بتاع
شغل دماغك يا عم اسلام
متسبش البلد غير لما تاخد حقك و خلاص
ده رأيي و ده اللي ناوي اعمله ان شاء الله
" الحياة بدون مشاكل مشكلة كبيرة "
:D
اشكر المشتاقه للجنه حيث سمحت لنا بفتح آفاق للتفكير في هذه الظاهره التي هيمنت علي شبابنا
اتمني الإفاده