[منار على]

بصراحه معاكى حق انا شغاله فى مدرسه ابتدائى واعدادى مع بعض لكن انا بشتغل اعدادى وبسبب اللى بيحصل فى ابتدائى بنعانى كلنا من الطلبه اللى بتطلعلنا لانهم طبعا فى ابتدائى بيغششوا العيال من الالف للياء المدرسه تقعد مع كل طالب فى التخته بالدور ولو مبيعرفش يكتب تكتبله الحنينه مش عارفين انهم بكدا بيهدموا قيم كتير عند الطلبه فى السن الصغير دا ومش عارفين ان طالب ابتدائى هو الاكتر تعلق بالمدرس بتاعه وبيعتبره القدوه والمثل والنتيجه طبعا تطلع العيال زى قدوتهم ومثلهم مكبرين عاملين حسابهم اننا كلنا كدا وانهم ناجحين ناجحين من غير اى جهد ولا تعب لانهم متعودوش يتعبوا وهيتعبوا ليه طبعا فيه طلبه بتضيع فى النص لان فعليا عندى فى اولى اعدادى طلاب عندهم قدرات عقليه كويسه وممكن يذاكروا وينجحوا وبمجموع كمان لكن ازاى حاطين فى دماغهم اللى اتعلموه قبل كدا اتعودوا على الراحه وطبعا بينعكس دا على سلوكياتهم باردين ومش همهم ولا فارق معاهم حتى مش عايزين يسمعوا لانهم متعودوش واللى يضحك بقى ان بتوع ابتدائى فى الاخر بيتهمونا احنا ان العيال لما بتطلع عندنا مستواهم بينزل لاننا مش بنشرح لان النظام عندنا مختلف عنهم لان اغلبنا مش بيغشش لانه عارف خطوره دا واللى يحرق الدم بقى لو كلمتى حد فيهم يقولك اولياء الامور المطحونين الشماعه اللى بيعلقوا عليها غلطاتهم مسالوش نفسهم كانوا فين اولياء الامور دول طول السنه وفين متابعتهم لاولادهم وطبعا فيه فيهم اللى بيعمل لمصالحه الشخصيه واللى بيدارى اهماله طول السنه مش فاهمين انهم بيدمروا اطفال صغيرين وبيضيعوا قيم كتير وبيساهموا فى اللى بنشوفه دلوقت من سلبيات وبنعانى منه مش معتبرين ان اللى بيعملوا دا جريمه ومستسهلين بالامر جدا كانهم بيقدموا خدمات انسانيه مش عارفين انهم بيخلقوا طالب لامبالى وغشاش الغش اللى بيجيب الكدب والنفاق وسلبيات كتير من اللى بنعانى منها من سنين طويله كانوا ماشين بمبدا اربط ال ------------------- مطرح مايعوز صاحبه لان التعليمات من فوق كانت غششوا العيال مش فاهمين لاخطوره الغش ولا اللى بيعملوه على المدى الطويل وان دا ممكن يكون مخطط لتدمير اجيال على المدى الطويل وللاسف واضحه جدا النتايج حاليا مستسهلين باللى بيعملوه