[وردة امل]

انا هحكيلكم موقف كده وانا صغيرة من ايام الطفولة
وما ادراكم وما ايام
الطفولة
كانت ايام سوده اصلى كنت هادية اوى
وانا صغيرة وطولى معداش شبر ونص
مش عارفة هى البانيوهات كانت طالعة موضة ولا ايه بالظبط
وفى يوم خرجت ماما مع تيتا وانا اساسا كنت عند تيتا فى بيتها
كنت مقيمة عندها اربعة وعشرين ساعة كنت طفلة غتتة بئا
وماكنشى معايا حد وهما افتكرونى كبيرة وعاقلة
وهما خرجوا من البيت من هنا وانا عملت اتصالاتى
وجمعت العيال اللى عرفهم واللى معرفهمش
انتوا عارفين زمان كان نزول الشارع سهل
وانك تكون علاقات مع العيال الشبر ونص
اللى ادك فى غاية السهولة
المهم اتجمعوا العيال وملينا البانيو ميه ونزلنا بهدومنا وعملناه بحر
والشامبو خلص والصابون راح
والاهم من كده سبت الميه مفتوحة
وفجأة الباب خبط لقيت ماما جت وتيتا وشافو المنظر
وتيتا وماما جالهم حالة فزع
من اللى شافوا طبعا مش متخيلين الموقف
طبعا اليوم ده ميتنسيش لانى اخدت علقة محترمة
احم احم انا قلت علقة متخدوش بالكم