[هانى الشرقاوى]

المشاركة الأصلية كتبت بواسطة مستر/ عصام الجاويش

بص يا هانى سيبك من الاخوان
خلينا فى النقطه الرئيسيه يعنى ايه بيرفض شريعه الفقهاء؟ هم الفقهاء دول الشافعى وابو حنيفه واحمد بن حنبل ومالك رضى الله عنهم اجمعين مش عاجبين البرادعى؟ ومش عاجبينك؟!!!!!!!!!! هو البرادعى يفهم فى الدين زى دول؟!!!!!!!!!!!!!!!!! البرادعى دكتور فى القانون ليس تخصصه الشريعه الاسلاميه حتى يرفضها امال هو عاوز اسلام بتفسير مين بقى؟ بتفسير بندكت؟! الكلام اللى بتقوله ده خطير جدا ويهدم الاسلام الفقهاء هم المتخصصين فى الدينا الذين تعلمنا دين الله على ايديهم من يكون هذا او ذاك حتى يرفض فقهاء الاسلام؟!!! انا بعد كده هاعمل عمليات جراحيه للمرضى ..هم ايه علماء الطب دول!! على فكره انا بارفض علماء الطب مش الطب نفسه!! شفت المنطق ده؟ طبعا غير مقبول وهو نفس منطق رفض الفقهاء المتخصصين فى الدين وعمل برأى من لايعرف شيئ عن الدين

اولا أنا كتبت تعليقك مطول والسيرفر .. ضيعه
ثانيا .. هختصر التعليق مرة تانية
الدين سيدى العزيز بالفهم مش بالتخصص .. والتدين بالإخلاص مش بالشهادات العلمية التى تمنحها الجامعات
والمتخصصين دينيا ليسوا أكثر الناس فهما للدين .. وإنما أكثرهم علما .. والعلم قد يكون فى النافع والضار
والفقهاء واقفين بجمود عند حدود القرن الرابع الهجرى .. متقوقعين حوله وفيه
ودليل بسيط وعابر .. فى قسم الاخبار خبر عن الحوينى
بيقول فيه ( لو كنا بنغزو كل سنتين تلاتة كان كل واحد هيرجع من الحرب معاه 3 .. 4 أشحطة ..أسرى .. وتلت أربع نسوان .. سبايا .. وتلت أربع ولاد .. اضرب الراس فى 600 .. 700 درهم أو دينار .. تطلع مالية كويسة )
هما دولا اللى هيطبقوا شرع الله !! ناس عايشة لسة عايشة فى الماضى
ناهيك عن مئات الأفكار المتوراثة والتى تبعد عن شرع الله وإنما كانت إجتهادات وفقها لظروف عصرها ولها متطلباتها السياسية والجغرافية والتاريخية والمذهبية
مثل قتل المرتد
وجلد شارب الخمر
ورجم المحصن
وقضايا عديدة عديدة جدا
مرة تانية كل شئ فى الدنيا بالتخصص إلا الدين بالفهم
وإلا لكان للفقهاء أن يتفقوا بدلا من أن يتطاحنوا ويكفروا بعضهم البعض .. وتظهر لنا يوميا عشرات الفتاوى الشاذة والغربية عن اى منطق .. وننسبها لله وللإسلام ..ونرجع نبكى ونقول .. الناس فاهمة الدين غلط
والله احنا لو فضلنا بالطريقة دى .. هنلاقى الدنيا كلها بتقيم معسكرات فى الفضاء على أسطح كواكب وأجرام أخرى .. وهنلاقى لسه المشايخ بتوعنا .. مختلفين حول حكم الإستنجاء فوق سطح القمر
تحياتى