[ostazmath4m]

المشاركة الأصلية كتبت بواسطة الصمت الحزين

فى يوم انا واصحابى طالعين من الدرس ورايحين البيت

واحنا فى طريقنا لاقينا بوتيك ملابس فتح جديد
المهم واحدة من اصحابى قالت انا لازم ادخل البوتيك ده
اصله كان فى ملابس جميلة لزوم التصييط وكده
عشان عجبتها جيبة وعايزة تسأل عليها
انا قلتلها بلاش تدخل واننا متأخرين وعايزين نروح
وهى مصممة انها تدخل المهم احنا دخلنا البوتيك
وطبعا هى معانا وداخلة على طول ناحية الجيبة
وهى رايحة ناحيتها خبطت فى الازاز وهى مش شايفاه
شكله نضيف وجديد
ومش اتخبطت وبس وكمان وقعت لانها كانت لبسة كعب عالى
واحنا فضلنا نضحك عليها وكنا هنموت من الضحك
ومن ساعتها حرمت تدخل بوتيكات جديدة تانى
عشان متتخبطش فى الازاز الجديد

هههههههههههههههههههههههههههههه
يلا تعيش وتفتكر وتاخد غيرها

المشاركة الأصلية كتبت بواسطة Nour Eleman

ههههههههههههههههههههههههههههه مواقف تحفة انا ضحكت كتيييييييير و خصوصا على موقف نقاء الروح التانى هههههههههههههههههههه دا كله نوم يا بنتى ههههههههههههه

فكرنى بموقف كدا قديم

كنت فى اولى اعدادى و كانت مدرستنا بترجعنا بدرى فماما قالتلى خدى المفتاح علشان مفيش حد فى البيت لانها رايحة تجيب تيتة بعد الشغل

المهم روحت البيت على خير و طبعا لازم انام فى الضهر

روحت نـــــــــــمــــــــــــــــــت و نـــــــــــمت

و جت ماما تخبط مفيييييش حد و تدور على المفتاح .. نست تاخده و تخبط و تخبط و كانت هاتكسر الباب من التخبيط و تعمل ايه رجعت تانى مع تيتة عندها البيت

و رجع اخويا من الكلية و يخبط يخبط يخبط و مفييييييييييييييش حد و يعمل ايه اتصل بماما عالموبيل لانه معهوش مفتاح و ماما قالتله تعالى عند تيتة و حكتله اللى حصل

و رجعت اختى من الكلية و نفس اللى حصل و راحت عند تيتة

لكن اخواتى الصغيرين رجعوا من المدرسة بس راحو عند عمى المرة دى

امـــــا بابا اللى هوا الامل فيه انه يكون معاه المفتاح .. للاسف ماكنش معاه المفتاح

و راح برده عند تيتة و عمى اتصل ببابا و قاله على اخواتى و اتجمعت الاسرة الكريمة عند تيتة

الخلاصة جه اخويا معاه راجل راحو فشو الباب و الحمد لله صحيت على خير الساعة 7 بليل مع العلم انى كنت طالعة من المدرسة الساعة 12

و نمت 7 ساعات و محدش اتغدى و ضاعت عليا الصلوات

شوفتو بقى النوم دا هههههههههههههه

هههههههههههههههههههههههههههه
بصراحه بعد ماشوفت موقفك انتي ونقاء الروح
قررت اعمل مسابقه بينكم انتوا الاتنين ونشوف مين
اكتر واحده بتنام ومش بتتأثر بالعوامل الخارجيه والاستعمارية

المشاركة الأصلية كتبت بواسطة THE CodeR

احكيلكم موقف في اول يوم امتحانات في اولي ثانوي
كأنه قصة خيالية لكن حصلت لاتنين صاحبي
اول ما المبني اتفتح طلعوا يطلعوا حاجتهم في الدكك بتاعتهم
هما كانو في لجنة واحدة
دخل واحد وراه التاني فحط حاجته في الدرج
فسأله التاني بوداعة " هو ايه اللي علي الدكة بتاعتك ده؟"
حاجة ملفوفة كده
فقرب التاني يبص و قال بوداعة برضه "ده باينله تعبان"
بصوا لبعض في غباء و قالوا في نفس واحد "تعبااااان" و طلعوا يجروا
ساعتها التعبان صحي و جري بسرعة في الفصل لغاية ما واحد منهم حدف عليه دكة نزلت علي ديله زنقته و المدرسين نفسهم خايفين منه
حاجة كده طوله متر و تخين اوي
الرعب انتشر في اللجان يوميها
قمة الكوميديا.......والله بدل ماليها اللي العجب

هههههههههههههههههههههههههههه استاذ كودر
انا حصل معايا موقف انقح من ده معرفش اذا كنت واخد بالك منه ولا لأ بس هو موجود في المشاركه8 ، 76

المشاركة الأصلية كتبت بواسطة Habiba Hamdy

افتكرت موقف

كنت صغيرة تقريبا فى اولى ابتدائى وبعدين كنت بلعب انا واختى الكبيرة
هى اكبر منى ب3سنين كنا بنلعب لعبة كان هى حصان وانا اقعد على ضهرها
(مش عارفه تعرفوها ولا لا) انا بصراحة كنت مبسوطة جدا وانا راكبه على ضهرها
بعدين هى قالتلى انها عايزة تركب على ضهرى شوية صراحة كنت خايفة
هى اكبر منى وانا كنت لسه مفسفسة خالص
بس وافقت لانها قعدت تتحايل وصعبت عليا
هى ركبت من هنا وانا لقيتنى مش قادرة اتوازن خالص وايدى سابت منى
ووقعت عالارض على ذقنى واتعورت
وانا كنت جبانة جدا اول ما اشوف الدم بخاف
ونزل دم كتير منى
اكتشفت ان عندى دم
بابا طبعا شخط فى اختى جامد وهى كمان قعدت تعيط
لغاية دلوقتى لسه عندى علامة الجوده فى ذقنى
بس كان موقف تحفة

ههههههههههههههههههههههههههههه
تعيشي وتفتكري ،، في رأيي اكبر استفاده انك اكتشفتي
الكتابه اللي باللون الاحمر دي