[محمد عبد السلام عواد]

المشاركة الأصلية كتبت بواسطة روحاء هندسه

طب معلش يامستر عندي أسئله بس بره الدليل والكتاب

اوك؟

1)في كتاب الوزارة كاتب ان بمقارنة درجات غليا الاحماض الكربوكسيليه والكحولات اللي بتتساوى في عدد ذرات الكربون او الكتلة الجزيئية ....بس احنا كدة لو حققنا واحد التاني مش هيكون

بمعنى مثلا حمض الفورميك والايثانول هما متفقين في الكتلة الجزيئية لكن مش متفقين في عدد ذرات الكربون

يبقى احنا بنتحكم لايه؟؟؟وامتى تكون فيه حاله لعدد ذرات الكربون؟؟
الأهم في درجة الغليان عدد الروابط الهيدروجينية لها تأثير كبير وواضح
أما الكتلة الجزيئية تأثيرها أقل بكثير لذا نعتمد أولا على عدد الروابط الهيدروجينية

2)برده في كتاب المدرسة كاتب ان الاحماض الكربوكسيليه الاروماتيه تشبه الاليفاتيه ويمثل ذلك قدرتها على تكوين املاح عضوية عند تفاعلها مع الفلزات وهيدروكسيداتها او كربوناتها وكذا تكوين الأستر

طب الأكاسيد والبيكربونات هل برده زيها وبيفهم منها ان الاحماض الاروماتيه بتتفاعل معاها ولا هو لم يذكرها لعدم تفاعلها معاها؟؟
كله بيتفاعل بس هو بيقول مثال فقط

3)سؤال كيف تميز بين الايثيلين والاستيلين؟؟هل هو سؤال عمليا صحيح؟؟وهل البرمنجنات بتتفاعل فقط مع الايثين ولا الاستيلين كمان؟؟

وهل ينفع آخد طريقه الاحتراق الكامل والغير كامل للتمييز بينها؟؟
السؤال صحيح ولكن مش علينا في المنهج ( كان في المنهج القديم)
ومحلول البرمنجانات يتفاعل مع الإثنين حيث أنه يعتمد على الرابطة باي في أي مكان

4)ايه هو الفينيل؟؟انا اللي اعرفه انه بنزين ***** منه هيدروجين بس لقيته حاجة تانيه فاتمنى حضرتك تقوللي ايه الفينيل؟؟
عندنا إثنين فينيل في المنهج ( يختلف النطق
(1) c6h5 - تسمى phenyl حلقة بنزين ***** منها ذرة هيدروجين
(2) ch = ch2 - وتسمى vinyl إيثيلين ***** منه ذرة هيدروجين


5)ايه اللي ياخد رقم قبل التاني تبع للابجديه فلور ولا كلور ولا ميثيل عشان متلخبطة في ديه؟؟
الترتيب : برومو ثم كلورو ثم إيثيل ثم يودو ثم ميثيل ثم نيترو ثم بروبيل


6)تفاعل الكالسيوم مع الكربون لانتاج كربيد الكالسيوم رغم انه مش موجود في كتاب الوزارة هل من حقي استخدامه؟؟
نعم جه في الإمتحان ولكن لا يطلب معادلات

7)انا عارفة اننا ينفع نجيب الكين عدد ذرات الكربون فيه اقل من الكان عدد ذرات الكربون فيه اكتر

زي مثلا نجيب ايثين من بروبان

فهل نقدر نجيب العكس

بمعنى الكين عدد ذرات الكربون فيه اكتر من الكان عدد ذرات الكربون فيه اقل

زي مثلا ايثين من ميثان؟؟؟
طبعا ينفع بس مش علينا
كان فيه تفاعل خطير المنهج القديم يسمى تفاعل فورتز كان عكس التقطير الجاف بمعنى :
لزيادة (مضاعفة) عدد ذرات الكربون نستخدم فوتز
لخفض عدد ذرات لاكربون نستخدم التقطير الجاف


ديه الأسئله اللي عندي حاليا

وشكرا مستر محمد

ملحوظة أخيرة :
أي مركب عضوي يمكن أن يتحول إلى أي مركب عضوي ولكن العبرة في السؤال هو تبعنا ولا لأ