[zozza love]

المشاركة الأصلية كتبت بواسطة usernamo

انا بهزر مرة مع مستر الالمانى .. و كان بيبص على بنات هو (( مستر زنديق )) xd و بقوله عيب كده و قمت خابطه فى كتفه بالراحة .. لقيت عينيه اتقلبت و قالى انت اد الزقة دى .. بقوله لا لا .. هتعمل يا مجنوووووووون ... قالى هوريك (( المستر 25 سنة صغير اكبر منى ب 6 سنين فبنعتبره صاحبنا )) المهم قربنا قربنا و فضل باصصلى باصة انتقام .. و فجأة رمانى فى بلاعة .. و صحابى طلعونى .. قام غمز ليهم و خدوا الشوز بتاعى و جريوا .. و بدل ما البنات كانت بتتعاكس .. اصبحت انا مسخرة المنطقة فى الساعه دى .. و انا اصلاً اللى من النوع اللى بقرف بقى .. فلت مش باصص لرجلى و بقولهم .. يا ولاد **** و ربنا لموريكم بس حد يجي يطلعنى و النبى .. رجلى اتحشرت .. رجلى اتحشرررررت !! .. فلت اطلع رجلى لحد ما طلعت و طبعاً شكلى زبالة بكل ما تحمله الكلمة من معنى * ملحوظة : البلاعة بلاعة محل ! مش بلاعة عمومية ... المهم بعد ما طلعتها كان لازم اعمل حاجتين .. ارجع الشوز .. اغير البنطلون .. لسه هجرى ورا اصحابى ارجع الشوز .. و بتحرك قمت لبست فى عربية ماشية و اتشقلبت فى الهوا .. ووقعت اااااااااااااه .. يا كلاب هاتو الشوز .. مش قادر اقوووووم .. و بقيت الطم زى البنات .. المهم و اخيراً رجعولى الشوز .. و رحت لبست بنطلون من صديقى الصدوق بندا .. الى بيزن 125 كيلو ... و بالطبع البنطلون كان ممكن يلبسه 10 معايا ,, و كان شكلى مسخرة .. ماشى ماسك البنطلون بإيدى زى الصعيدى اللى ماسك الجلابيةفى بوقوا ... و طبعاً روحت حاطيط كل الديتولات اللى عندنا حتى اللى بنمسح بيها الزجاج .. و اكتشفت ان اللى باظ البنطلون مش رجلى .. بس الحمد لله .. طلعت سليم !

و من هنا نتعلم .. ان اللى يهزر مع مدرسين تانى ... و مش بيسمع كلام صحابوا .. دى بيبقى مصيره ! ...

*ملحوظة : هذا الموقف حقيقى .. و لا تحاول تجربته حيث اننى كلما تذكرته اشعر بالحاجة الى العيااااااااااااااااط

هههههههههههههه
مش اقدر بجد
انا عماله اضحك يا أمجد مش قادره امسك نفسى
بجد موقف تحفه تحفه تحفه
تعيس وتاخد غيرها يا معلم