اقتباس:
المشاركة الأصلية كتبت بواسطة روحاء هندسه
أولا يافندم أنا قبل كل شيء أتأسف لو كانت طريقة كلامي امبارح بطريقه عصبيه شوية
لكن معلش انا مش بحب شغل التحدي في شيء خارج إطار منهجي
يافندم معلش يعني المسأله أكتر من سهلة بس لو انا عارفه القانون
ازاي حضرتك مديني قفل وعاوزني أفتحه ومش مديني المقتاح؟؟؟
زي بالضبط اما تديني مسأل مش عليها قانوني وتعوز مني الحل
هيبقى نفس المنطق بالضبط
يافندم الفيزياء علم تراكمي بالنسبه لحضرتك لان حضرتك مهندس
لكن بالنسبه لي كطالبه مش مطلوب مني غير تالتة ثانوي وبس
ولو مطلوب مني اولى ثانوي كان زمان كل المدرسين شرحوا دة
المواد التراكمية عندي كطالبه هي الرياضه والانجليزي والفرنساوي بالنسبه لتانيه وفقط
الأحياء مثلا يافندم كلها مترتبة على بعض ومع ذلك امتحان السنة اللي فاتت لم يخرج أبدا عن نطاق المنهج لان ده المطلوب مني
يافندم فيه مستر اسمه مستر محمد في قسم الكيمياء كنت كل شويه أسئله هل ينفع أحضر مركب معين من آخر وهكذا
قال لي كلمة في غايه الأهميه
ان في الكيمياء العضوية أقدر أحضر اي مركب عضوي من أي مركب عضوي آخر لكن العبرة بهل ده علينا ولا مش علينا
ياأستاذي الفاضل::
الفيزياء بحر لا حد له ولكن العبرة بمنهجي
وأعتقد حضرتك أكتر واحد عارف كدة بحكم تخصصك
على فكرة انا مش معترضه ع السؤال
بالعكس فرحانة اني عرفت حاجة جديدة
بس أتمنى قبل اما اي حد يحط سؤال يقول ده موضع امتحان او انه موضع تفكير مابيننا نشغل دماغنا وبس
يعني ياريت توضيح
عشان بس احنا في وقت حرج مش مستحمل حاجة زي كدة
وأنا عن نفسي حاليا عاوزة أركز في منهجي عشان هدفي واضح وصريح ومش عاوزة ألف حواليه وبالتالي انا لو لقيت أسئله في منهجي تفيدني يبقى جميل
وياريت اي حد يجيب اصعب المسائل في اطار المنهج مش براه
لكن اننا نجيب اسئله برة المنهج يبقى حاجة من اتنين
اما عاوزين نشوف مدى مذاكرتنا واحنا فعلا هنعرف نفرق بين منهجنا وغيره او اننا عاوزين نظهر بشكل اكتر وضوح بشكل يجذب الطالب وللأسف الشديد يشغله عن منهجه الأصلي
ياأستاذي الفاضل::
انا ماعنديش مشاكل ادخل احل الأغاز ديه بس يوم 2_7 في الأجازة ان شاء الله لاني بصراحة حاليا مش فاضيه خالص غير لمنهجي ولكل افكار منهجي(وهي مش قليله ولا سهله)
يبقى جميل اوي
لكن خلاف كدة انا ملتزمة بمنهجي ولو شفت معلومة برة المنهج اكيد هعرفها لكن مستحيل ادي المنهج الخارجي اكتر من 1 في الميه والا اكون طالبه مش عارفه بعمل ايه وماليش هدف محدد
أخيرا وليس آخرا لعلم حضرتك المستر واضع الامتحان مطالب منه انه يحط كل حاجة من منهج الكتاب ومن صفحات الكتاب
وحتى امتحان الاولمبياد 2008 لم يكن يحل بقوانين خارج المنهج.....
أقدم اعتذاري مرة تانيه عن عصبيتي امبارح بس انا اتضايقت جدا
وأقدم شكري على جهد حضرتك لان بلا شك معلومة أفادت ولم تضر
وهتبقى مفيدة أكتر لو بس كتبت جنبها نفكر شويه مع بعض ونشغل دماغنا...
وشكرا
انا والله لم أقصد شيء من سؤالي لاني كنت متأكدة ان حضرتك فيزيائي لكن في نفس الوقت كنت متأكدة ان حضرتك مش مدرس ثانوي عام بل حضرتك أشمل وأعم
لكن انا يافندم معلوماتي بالنسبه لمعلومات حضرتك صفر وبالتالي لازم تراعي كدة
وتراعي منهجي مش اي منهج تاني...
شكرا ع جهد حضرتك
بس أقسم بالله يافندم اديت السؤال للمستر بتاعي قال لي القانون اللي شغالين بيه صح لكن مش عليكو
وبالتالي هو دة الفيصل..
مش من حق حد انه يتحداني في حاجة ماادهانيش والا يكون ده اكبر ظلم.....
بالتأكيد حلوة يافندم
بس والله هتبقى أحلى في نظري كطالبه لو حضرتك كتبت نشغل تفكيرنا ونفكر مع بعض مش امتحان يعني
وشكرا لحضرتك
على راي زميلي حازم
انا لما أدخل قسم الفيزياء لأول مرة وألاقي الناس هنا بتتكلم عن مناهج تانيه خالص
حضرتك عاوزني أتكلم بهدوء ازاي؟؟
انا يااستاذ حاتم زي اما قلت مش معترضه على اي حاجة بره المنهج
ممكن نتكلم اتنين وعشرين ساعة في اليوم عن منهجنا وساعتين عن برة منهجنا مفيش مشاكل..
لكن لو مااهتمناش بمنهجنا يبقى احنا ضيعنا كل حاجة من ايدينا...
وشكرا |
اختي
مع احترامي ليكي
اعتقد معرفه قانون المسئله سهل ومن المنهج وبدون كلمه خارج المنهج
انتي عندك الPw بيتقاس بجول/ث
جول من قانون بسكال F*D
يعني نيوتن في متر
متر / ث =V
بس يبقي Pw "دخل"=V*g*N*sing45"عشان تجيبي المركبه المؤثره" ودي علينا
هل من كلمه خارج المنهج ؟
والكفائه اي حد عارف انها الي بناخده علي الي اديناه
من قانون المحول او اي قانون تاني ودي ثابته اساساً لاي حاجه
بس انتي مش بتدي قدره غير بالوات سواء الي انتي اديته كهربا ولا ميكانيكا ايا كان هي بالوات
بس
بالتوفيق،،
وانا قلتلك والمصحف ما هتييجي ولا هتشوفيها في امتحان دي يعني مجرد تختبري بيها نفسك وانتي في ساعه عصاري وبيتشربي "لا مؤاخذه" نيسكافيه