[أحمد كووول]

المشاركة الأصلية كتبت بواسطة محمد.فوكس

قولهم يا عم .. كل شوية يقولك البرادعي هيخليها دولة لا دينية.
على فرض ان البرادعي لا ديني .. بالذمة ده كلام ان الرئيس هو اللي هيحدد نوع الدولة؟
هل الرئيس هو اللي بيغير الدستور ولا مجلس الشعب؟
دي عالم محروقة من البرادعي و مش قادرة تقعد من غير متقطع فيه .. لو كانو بيدعموا مرشح تاني كانوا عملوله دعاية مثلا لكن هم مسخرين وقتهم للنميمية عالراجل و خلاص.

طبعا يا محمد لازم كل واحد فينا يفهم كويس

إن الدستور دلوقتي أهم ميت مرة من الرئيس

لأن الرئيس مش هتكون له سلطات مطلقة

يقدر يعمل اللي هوه عايزة بالطريقة اللي تعجبه

ده كان زمان

وبلاش نرسخ ف عقولنا إن الرئيس زي أبونا ولازم نحترمه

لا

الرئيس مكلف ببرنامج وهوه وحكومته شغالين عندنا

نحترمهم لما يعملوا اللي عليهم

ده الواحد فينا لو جاب صنايعي و الصنايعي قام عمل شغل أي كلام

هينفخ اللي جابه

فما بالكو ببلد وأعظم بلد ف الدنيا

لو كل واحد فينا مفهمش ده كويس

يبقي عليه العوض

لازم نغير نفسنا بفهمنا للأمور بشكل سليم

ومنكابرش

وبعدين فيها ايه لما واحد زي د. البرادعي

يبقي رئيس علي الأقل حيتقبل الرأي و الرأي الآخر

مش زي غيره اللي متعودين علي التمسك بآرائهم

وبعدين متفتكرونيش ناوي أرشح البرادعي لو الانتخابات بكره

لو الانتخابات بكرة حرشح د. محمد سليم العوا لو رشح نفسه

أو عمرو موسي

ولكن لسه فيه مناظرات و برامج علي أساسها يتم الاختيار

ولازم كل واحد فينا يجتهد في اختياره لأنها مسئوليه كبيرة

والله الموفق و المستعان ....