اقتباس:
المشاركة الأصلية كتبت بواسطة أحمد كووول
طبعا يا محمد لازم كل واحد فينا يفهم كويس
إن الدستور دلوقتي أهم ميت مرة من الرئيس
لأن الرئيس مش هتكون له سلطات مطلقة
يقدر يعمل اللي هوه عايزة بالطريقة اللي تعجبه
ده كان زمان
وبلاش نرسخ ف عقولنا إن الرئيس زي أبونا ولازم نحترمه
لا
الرئيس مكلف ببرنامج وهوه وحكومته شغالين عندنا
نحترمهم لما يعملوا اللي عليهم
ده الواحد فينا لو جاب صنايعي و الصنايعي قام عمل شغل أي كلام
هينفخ اللي جابه
فما بالكو ببلد وأعظم بلد ف الدنيا
لو كل واحد فينا مفهمش ده كويس
يبقي عليه العوض
لازم نغير نفسنا بفهمنا للأمور بشكل سليم
ومنكابرش
وبعدين فيها ايه لما واحد زي د. البرادعي
يبقي رئيس علي الأقل حيتقبل الرأي و الرأي الآخر
مش زي غيره اللي متعودين علي التمسك بآرائهم
وبعدين متفتكرونيش ناوي أرشح البرادعي لو الانتخابات بكره
لو الانتخابات بكرة حرشح د. محمد سليم العوا لو رشح نفسه
أو عمرو موسي
ولكن لسه فيه مناظرات و برامج علي أساسها يتم الاختيار
ولازم كل واحد فينا يجتهد في اختياره لأنها مسئوليه كبيرة
والله الموفق و المستعان ....
|
اظنك تتفق معي ان هوية الدولة سواء دينية او مدنية ليبرالية او اشتراكية لن يحددها الرئيس اطلاقا بل سيحددها مجلس الشعب و من يبرر هجومه على البرادعي بخوفه من الدولة العلمانية اما محدود الفهم للوضع السياسي او يبحث عن اي مبرر حتى لو غير منطقي.
بالنسبة لموضوع ابونا فبرضه اظنك تتفق معي ان الدكتور البرادعي ابعد ما يكون عن فكرة الاب و الرئيس المتسلط اللي بيتعمله اغاني.