[كمال قرنى]

يا روحاء هندسة

انا مقولتش ان قوة اللزوجة هيه اللى هتطلع الجسم

قووووة الزوجة بتقاوم الحركة (بس)

لكن فى المسألة انتى جايبة خشبة حطيتيها فى اسفل حوض (مثلا) وسبتيها

تخيلى اللى هيحصل:
افترضى معايا ان مفيش قوة لزوجة
ايه اللى هيحصل للخشبة اكيد هتطلع لفوق بس السؤال
بسرعة منتظمة ولا لا

اكيد لا اقولك ليه

فى قانون فى الرياضة بيقول محصلة القوى= m*a
وطالما محصلة القوى هيه قوة الدفع - الوزن

يبقى الجسم هيصعد بعجلة يعنى السرعة اللى بيطلع بيها متزايده من لحظة لاخرى تمام

طيب هوه قالك هاتيلى القوة((اللى هيه قوة اللزوجة)) اللى تخلى الجسم يتحرك لاعلى بس بسرعة ثابتة اللى هوه قالها
بصى عشان جسم يتحرك بسرعة ثابتة لازم محصلة القوى تكون بصفر
عشان نطبق قانون نيوتن اللى بيقول يبقى الجسم الساكن ساكنا والمتحرك متحركا ما لم تؤثر عليه قوى
يبقوى القوى اللى محتجنها هيه اللى هتخلى المحصلة بصفر طب فى اى اتجاه
عكس اتجاه قوة الدفع يعنى فى اتجاه الوزن
فهتقولى قوة الدفع -قوة الوزن - قوة اللزوجة = صفر
طب ليه خلاناهم بصفر (عشان تكون السرعة ثابتة)
طب ليه طرحناهم من بعض(عشان قوة الدفع عكس اتجاه قوة الوزن وقوة اللزوجة)
ارجو انك تفهمى قصدى عشان انتى بتفسرى كلامى غلط