[zozza love]

المشاركة الأصلية كتبت بواسطة المياة

معلش الردود كثيرة فلم أقرأ سوى الموضوع الأساسي
احترامي ليكي يا عزة أنا لا أقتنع بالحب إلا في ظل اطار اجتماعي اسلامي هو الزواج وإذا خرج عن هذا الاطار فهو مجرد صداقة وأن لم تتوج بالزواج فنهايته الاخفاق وعواقبه وخيمة
مع احترامي لجميع الآراء ولكن هذا رأيي

رأيك صواب طبعا

اى حاجه بتتعمل و انتى خايفه منها تاكدى انها غلط و عيب و حرام كمان يعنى لما تسرقى انا مش اقصدك بالكلام يا عزه انا بقول مثلا يعنى هل بتسرقى و انتى مبسوطه و لا خايفه ..بتعملى ده فى السر و لا علانيه .. الموضوع ده زيه مظبط لو هو حب فى اطار رسمى حتكونى فخوره بيه لكن لو فى اطار موبيلات بقى و نتقابل فى كافيه و الكلام ده بتكونى خايفه جدا من ربنا و من اهلك و من كل حاجه ..
انا عن نفسي شايفه ان الممنوع مرغوب يعنى البنت لو اهلها قفلوا عليها حتنطلق يعنى انا اهلى ربونى ان اعامل الولاد و البنات الى معايا فى الدرس او المدرسه او الكورس او المشروع عادى ..انا بعامل البنت بكل الاحترام و الولد كمان يعنى الموضوع مش بيخرج فى اطار الزماله و عمرى ما حسيت تجاه شخص غير انه زميل ..بس دلوقتى العلاقه بين بنت و ولد مش بتبقى اسمها حب اسمها صحوبيه يعنى حتى عمر ما حد سألنى انتى بتحبيى .لا بتسأل انتى مصاحبه ..الصحوبيه ده قناع الزائف للحب ..انا اعرف بنات ربنا يهديهم مصاحبين 3 ..و بيفتخروا بده يعنى تقولك كده انا مصاحبه 3 و عادى خالص ..بالله عليكى ده تسميه حب !!! و لا الى تقولك انا فركشت ..هى خطوبه عشان تتفركش ..الحب الحقيقى بعد سن 19 سنه ..اقولك على حاجه بقى مافيش حاجه اسمها حب اصلا ده اسمه تعود حتى بعد 19 سنه ..يعنى بتعودى على شخص و خلاص و بتفتكرى نفسك بتحبيه لكن هو تعود و تسليه و تضيع وقت و فراغ عاطفى و انك يكون في حد بيهتم بيكى زى ما فى حد بيهتم بصاحبتك كده يعنى و نفس الكلام بنبطق على الولد ..الحب فى السن المراهقه ده ان للولد يثبت لنفسه انه راجل و البنت تثبت لنفسها انها انثى ..اسفه انى طولت بس الموضوع حلو

طبعا انا سعيده ان الموضوع عجب حضرتك
وانا مع حضرتك فى بعض النقاط والبعض الاخر (لا)
يعنى انا فوق سنه الـ 19 سنه بيبقا تعود انا مش مع حضرتك فى النقطه دى
لان انا لما اعدى مرحله المراهقيه وربنا يكرمنى واتخطب باذن الله
اكيد حيبقا بيبنى وبين خطيبى حب وألفه
وغير كده مينفعش
وباقى النقاط انا متفقه مع حضرتك فيها طبعا
اشكرك على المرور الجميل
نورتى،

مش ممكن يا عزة ان البنات والشباب الكل هيتكلم بصراحة ووضوح !!
وان حدث هذا , سينقلب الموضوع إلي أمور أخري وجميعها سيئة !!
والصراحة والوضوح التام في مثل هذا الأمر مهم جداً . أما اللف والدوران , فلا يجدي نفعاً .
ما يهمك هو أن تجدي من يستمع إليكي ويرشدك إلي الصواب , وهذا موجود وله قسم في المنتدي .
ان أردتي أراء أخري , يمكنك ذلك عن طريق الرسائل الخاصة لمن تثقين فيهم .
عن نفسي لا يمكن أن أطلب من شاب أو فتاة أن يتحدث عما يمر به بكل صراحة ووضوح وأمام الجميع !!
المنتدي شريحة من المجتمع به الجيد وبه السيء أيضاً , فهل أنتي أو غيرك من الفتيات أو الشباب تتحدثون في هذا الموضوع في الحياة مع الجميع ؟!!
هل تتحدثين فيها مع كل صحباتك ؟! هل تتحدثين فيها مع كل المدرسين والمدرسات ؟!
لا تنظري لوجهة نظرك أنتي فقط يا عزة , انظري للموضوع من وجهات النظر الأخري .

انا فاهمه وجهت نظر حضرتك يا مستر
بس الفكره ان دى مش مشكله انا بمر بيها
دى مشكله جيل بأكمله بيمر بيها
وكمان انا كل جيلى فينا طبع غريب جدا
ان احنا لما بنسمع نصيحه من حضرتك خارج نطاق العائله
بتبقا النصيحه مظبوطه وصح لكن اى مصيحه من حد فى الاسره تبقا النصيحه غلط ومش مقبوله
وانا قولت وحقول تانى
ان احنا هنا فى المنتدى عندنا نخبه من المدرسين الافاضل
يبقا ليه منستفدش منهم ومن خبرتهم فى الحياه
وكلمونا على اساس اننا ابنائهم
واحنا حنتقبل منهم النصحيه والرأى (لانهم خارج نطاق الاسره)
ارجوا ان حضرتك تكون فهمت وجهت نظرى