[Sofia El-behairy]

المشاركة الأصلية كتبت بواسطة ostazmath4m

لا طبعا احنا ما كبرناش الموضوع ولا حاجه لانه
واضح ان الموضوع اساسا كبير يا عزة بتقولك مرور اسكندرية وقف
عشان خاطره وانتي بتقولي مانكبرش الموضوع انا حاسس ان
فيه تناقض هنا!!!!! واحنا لازم نعرف طبيعه الناس اللي عايشين
معاهم دول مصريين برضو ولا ايه وليهم استفتاءات زينا زيهم يعني ممكن صوتهم يأثر في الانتخابات القادمه خصوصا انهم شريحه لا يستهان بها برضو ولا ايه؟؟ فعشان كده لازم نوعيهم ونرشدهم للافضل وبالعقل وبالحكمه والمنطق والكلمه الطيبه والحسنه نقدر نوصل لعقولهم وقلوبهم يمكن ربنا يهديهم ولله الامر من قبل ومن بعد الله اعلم
يعني لازم نتناقش معاهم عشان كل واحد فينا يعرف الغلط من الصح
يعني بكلامك ده يا عزة كل واحد بيعمل حاجه غلط نسيبه عشان ماحدش
يقلده فينا منطق غير سليم بالعكس احنا لازم نتكلم فيه اكثر واكثر
عشان اللي مايعرفش الصح فين والغلط فين يقدر يفرق بينهم من خلال
مناقشاتنا وردود افعالنا تجاه هذا الموضوع .. دي ظاهرة موجودة في مصر حاليا
وماينفعش نسيبها ونكون سلبيين بحجه ان البعض هيبحث عنه يبقي احنا كده
ماعملناش حاجه واحنا اساسا بنتكلم عشان اللي يعرف حد من نوعيه الشباب
دي يوعيه مش عشان هو يروح يدور عليه بنفسه ولو حد عمل كده
يبقي يستاهل اللي يستاهله احنا مش هنقف حكام علي حد احنا بنقدم
النصيحه فقط وكل واحد عايز يقتنع بيها اهلا وسهلا مش عايز يقتنع
يخلي بقي سي كريم كامل ده(( اي حريم كريم)) ينفعه يوم القيامه
.................................................. ........
ومرة تانيه اشكر صاحبه الموضوع وبلاش تقولي كده تاني تقفلي الموضوع ليه
لا والله بالعكس الموضوع بيوضحلنا سلبيه خطيرررررررة في المجتمع المصري
وانتي جزاكي الله خير وضحتيها للمناقشه لان طبعا مش كل مصر عايشه
في اسكندرية ...لكي مني عظيم التحيه .. واسف ع الاطاله بس كنت مستفز شويه

ربنا يخليك يا مستر انا بس عايزة اوضح حاجه مهمه الموضوع ده مش عشان ستار اكاديمى بس الموضوع كمان عن الفئه الى بتابع البرنامج ده يعنى هما بيعملوا مصايب سوده والله العظيم انا اعرف واحده مش فتحت كتاب ليله الامتحان عشان تتفرج على البريم و انا بقول ان برنامج ده فى ناس مستورده افكار غلط من بره و احنا شبابنا بيحب يقلد الى بيحبه يعنى احنا هنا اتناقشنا فى حاجات كتير اووى منها لبس الشباب الجديد و ازاى نحل الموشوع لبسهم و طريقتهم فى الحياه و المستر محمد و هانى ( طالب ) .دار بينهم حوار جميل جدا و شيق جدا ما شاء الله فيه ازاى نحاول نحل الموضوع الصفات الغلط الى اكتسبها الشباب من بره مش لازم تكون الفكره ستار اكاديمى الفكره فى الى بيعملوا طلاب ستار اكاديمى بدا المتابعين يقلدوهم ..ده مجرد نقاش بنحاول بس اننا نقلل من ظاهره فئه فى المجتمع و عالفكره الفئه ديه و الله العظيم كبيره يعنى معجبين كريم كامل 60 الف فى الصفحه الجديده و الصفحة القديمه كانت مليون ..عالفكره احنا بنكلم عن كريم و بس يعنى الحمد الله فى متسابقين تانين من مصر غير كريم و ليهم معجبين اكتر ..حتى لو نقاش ده مش قدرنا نطلع منه بحل صحيح كامل يكفى اننا تناقشنا مش شفنا الغلط و سكتنا عشان مش نكبر الموضوع ..النقاش قى حد ذاته حاجه ايجابيه لكن الحاجه سلبيه اننا نشوف شعب بيدمر و نسكت عشان مش نكبر الموضوع و هو اساسا الموضوع كبير ..و انا قاصده ان العالم كله يعرف مسن كريم كامل ده عشان نفوق من الغيبوبه ديه يعنى الى مش عارف بيحصل ايه فى بلد بسبب واحد تافه لازم يعرف عشان يدرك خطر المشكله ديه و يعرف كمان ان فى فئه كبيره من مجتمع بتحبه و مهتمه باخباره و مستعدين يجيبوا له حقه .لازم كل مصرى يعرف الفئه ديه كويس و عشان يعرفها لازم يعرف هما بيحبوا مين و وصلوا لكده ازاى ؟؟ فى ناس حقيقى مش كانوا يعرفوا و لا كريم فطبعا مش عارفين الى بيحصل فى البلد فمش مدركيين خطر الموضوع ..انا بقول لازم الكل واحد يعرف مين كريم و يعرف اتباع كريم الى هما مصريين و تناقش فى القضيه ديه و تناقش فى فئه الى بتحب الحاجات الغريبه ديه ..حنفضل نغمض عينننا عن الحقيقه لحد امتى ؟؟ لحد ما نسبه الايمو يكتروا فى البد و لا لحد ما شواذ يطلعوا يطالبوا بحقوقهم زى بره و كل ده باسم الحريه .. لازم تناقش حتى لو مجرد مناقشه ده وجهه نظرى يا ريت اكون صح