يا جماعة ياللي داخلين معايا في حرب
أنا بعرض وجه نظري بس
و هدفي من الموضوع إن التعليم يبقى على جهاز الكمبيوتر في المدارس
كل طالب حضرتك بتقول عليه فاشل في التعليم و شاطر في الكمبيوتر فهو شاطر في اللي بيتعلمه عملي على الكمبيوتر فعلاً زي الويندوز و الإنترنت
و على فكرة كلام حضرتك صح فعلاً برده على جميع المواد مش الكمبيوتر بس
لازم يتخفف المناهج و يبقى فيه فرصة أكبر للعملي
بس العلوم أو أي مادة تانية ممكن تتعلم نظرياً أما الكميوتر صعب جداً يبقى نظري لازم عملي
يعني أقصد من كده لو قدامك فرصة تعلم طلبتك في المدارس عملي يبقى أحسن
لكن اللي بنشوفه في المدارس إن المدرسين قافلين باب غرفة الكمبيوتر و كأنها كنز ممنوع دخول أي أحد عليه
أنا عن نفسي أخدت دورات في الكمبيوتر للدوس و الويندوز و الإنترنت و الورد على جهاز الكمبيوتر ذاته و فعلاً بقيت متميز فيهم أما دورة الصيانة اللي أخدتها فأخدتها نظري و دي الدورة الوحيدة اللي طلعت منها يا مولاي كما خلقتني
__________________
أ/هشام السيد محمود مدرس العلوم و الكيمياء
|