[روحاء هندسه]

أولا لازم يكون عندك ثقه في ربنا قبل كل شيء ثم في نفسك


ثق انك تملك من القدرات مايكفي (طبعا مع المذاكرة والحل)


على فكرة مثلا انا في بدايه مذاكرتي للعضوية كنت مذاكراها كويس جدا برده بس كنت لازلت مش فاهمة فيها حاجة وحليت 3 امتحانات في الدرس التلاتة نقصت فيهم كتير بس مايأستش والامتحانات ديه فهمتني كتير


والحمدلله بعد كدة العضوية بالنسبه لي مش أزمة اوي


المهم ماتخليش الامتحان بتاع الدرس غايه


لكن خليه وسيله


بمعنى شوف انت غلطت ليه يبقى فيه حاجة معينة انت مش فاهمها


حل كتير جدا ع العضوية طالما هي مش تمام وبكترة الحل هيتضح ليك حاجات كتيرة اوي وهتفهم اكتر وهتاخد ثقه في نفسك حبه بحبه


اوعى يجيلك احباط"مع انه بيحصل لينا كلنا في لحظة معينة"بس لازم مانستسلمش ليه


فانت خلي عندك هدف محدد وهو طبعا آخر السنة ماتبصش غير ليه واعرف ان الوقت المتبقي ع الامتحان في صالحك


لو انت لسه مخلص من اسبوع بس لاحظ انك كل الشهور اللي فاتت برده كنت بتذاكر منهج


يعني مالكش دعوة بحد خالص ولا مين خلص ولا مين ماخلصش ولامين بيذاكر ازاي وكدة



ليك دعوة بنفسك وبس


استعين بالله ونظم أمورك في الوقت المبقي


شكلك تانيه ثانوي


ع العموم لو تانيه


يبقى قسم المواد لقسمين


قسم في حاجة ماسه للحل الكتير


وطبعا ده عبارة عن كيمياء ورياضه وفرنساوي او الماني وانجليزي (بس الاهم كيمياء ورياضه واللغه التانيه عشان اكيد مش بتبقى متمكن منها زي الانجليزي خاصه لو واخد فرنساوي لانه محتاج حل كتير شويه)


والقسم التاني عربي


ودة تخليه في ايامه اللي انت هتسيبها قبل العربي حسب انت بتذاكر ازاي وتضبط امورك ان العربي يتضبط في الوقت ده وبس عشان ماياخدش اكتر من حقه



اما من دلوقتي لحد بدايه يوم مراجعة العربي فقسم ايامك بين المواد ديه


شوف ايه الضعف عندك وذاكره بالاضافه الى الحل


الرياضه مثلا لو متمكن من قوانينها حل علطول وهكذا في الالماني او الفرنساوي او الانجليزي


اما الكيمياء حل حتى لو مش مذاكر اوي والحل هيفكرك كتير


واللي انت ضعيف فيه راجعه


بالتوفيق


ربنا معاك يارب ومعانا كلنا ويارب يحقق ليك اللي انت عاوزه