[ابو مريومة]

سمعت مسئول مش فاكر اسمه قال
ان نتيجة امتحان الكادر الاول كانت 8% والامتحان التاني 10%
طبعا كتموا على الخبر ده ساعتها ومحدش جاب سيرة
يعنى يا اما المعلمين في مصر جهلة وطبعا ده مش صحيح يا اما امتحانهم فاشل زيهم
بالرغم من سمعة المعلم اللى ساءة في مصر وفي الدول العربية
بالرغم من قيمة المعلم اللى نقصت قدام الطلاب
بالرغم من المعاناه اللى بيعانيها المعلم من الطقوس القذرة دي واللى اثرت على نفسيته وادائه
بالرغم من المصاريف اللى بتتصرف والمال العام اللى بيهدر من جراء الامتحانات دي
لا يزال مسلسل الفساد مستمر
ولا يزال المسئول بيصرخ ويقول انا فاشل وقراراتي فاشلة
هل ممكن ييجي يوم يكون المسئول فيه قلبه على البلد وعلى اصحاب البلد
هل ممكن ييجي يوم قبل ما صانع القرار يتخذ قراره يعرضه على اهل الراي والمشورة ويدرسوه
هل ممكن ييجي يوم القرار قبل ما يتخذ يكون صاحبه مصلي ركعتين لله مش يتخذه في كباريه
والله تعبت من الكلام
قال انما اشكو بثي وحزني الى الله
لك الله يا مصر لك الله