اقتباس:
المشاركة الأصلية كتبت بواسطة ماهر قطب
يا اخ محمود انا شايف حضرتك واخد المسابقة 2009 دليل على النزاهة والكفاءه لمن يعمل بالتدريس .ولكن ما قولك بان معظم من تم التعاقد معه كانوا حديثى التخرج ,خريجى كليات تربية بعينة مثل الموجودة فى تفهنه الاشراف مشهورة هذه الكليات بان التقديرات فية عالية فكانت معظم التعاقدات مع خريجى الازهر الذين ليسوا اكثر كفاءة ولكن اعلى تقديرا ,النتيجة كانت ان مدرس مثلى يعمل بالحصة لمدة 6 سنوات يجد شاب حديث التخرج ياتى وياخذ مكانه متعاقدا مع العلم بان كل مؤهلاته( كلية تربيه حلوة)فيها تقديرات عاليه يعنى.فهل هذا عدل
|
يا اخ ماهر انا والحمد لله افخر بأزهريتي بس انا متخرج من القاهرة مش من تفهنا
حضرتك بتقول ان خريجي الازهر مستواهم تعبان واكيد حضرتك من تربية دمنهور بس انا خدت دبلومتين بعد الكلية في تربية دمنهور وما شفتش ان خريجي دمنهور احسن من الازهرية بدليل اني جبت نفس التقدير اللي حضرتك بتقول عليه عالى في دمنهور برضه يعني نفس تقديري في الكلية هو تقديري في الدبلومتين بل اني كنت من الاوائل برضه ومستوى الدكاترة افضل بكتير في الازهر من دمنهور وصراحة ما شفتش غير دكتور او اتنين عندهم ضمير في دمنهور
وحاليا والحمد لله في الماجستير ومافيش غير اتنين بس من خريجي 2008 من دمنهور في الماجستير معانا في القسما "هل خريجي الكلية كلها ما فيهمش غير اتنين هم اللي يقدرو يكملو دراسات عليا
نقطة مهمة يا اخ ماهر انا معاك ان خريج التربية مكانه التدريس بس بما انك شغال بالحصة ......فيه كام واحد في ادارتك بالحصة معاهم دبلومات او كليات ليس لها علاقة بالتدريس؟ ياريت تقول نسبتهم كام لاني شفت مهازل صراحة في ادارتي
هل تعتقد ان مصر هتنهض بمدرسين معاهم دبلومات؟ حضرتك مدرس وعارف مشستوى طالب الدبلوم ايه هل دا ينفع مدرس وهو بيكتب اسمه بالعافية ؟"تنت شفت ناي واخدين دبلوم في 2008 وشغالين بالحصة؟
بعدين لو حضرتك جايب تقدير كان فيه مسابقات نزيهة في الازهر من 2005 لحد 2009 وفي اول سنتين كان فيه 3مسابقات وخدو كتير من التربية والتعليم والتقديرات مش عالية ولا حاجة واذا كنت متخرج قبل كده كان فيه مسابقات قبل كده للتعيين واخرهم2004 وفيه كتير شغالين بمقبول اعتقد تقدير اقل من كده مفيش
ملحوظة لو حضرتك راجعت التاريخ كويس هتلاقي ان فترات نهضة مصر كانت مرتبطة بنهضة الازهر ومصر مش هترجع لمكانتها غير بنهضة الازهر.
اخيرا انا ذنبي ايه اني ذاكرت وتعبت اني اطلع من الكلية واستني لما اللي اقل مني يتعين بحجة انه اكبر مني طب انا كنت بذاكر ليه
قل هل يستوي الذين يعلمون والذين لا يعلمون