[سميير]

بسم الله الرحمن الرحيم
أنا أحد المدرسين
ايه الى بيحصل ده
ايه الى بنسمعة ده
ده اسمه تهريج
ايه يعنى المدرس من الفئة المستهلكة والباقى فى جميع الهيئات من الفئة المنتجة. أليس المدرس هو المنتج الوحيد لجميع الفئات فى المجتمع . فهو المنتج للمهندس والطبيب والكوظف فى البنك والبترول والسكك الحديدية والبريد وخلافة من جميع الفئات . أليس المدرس هو القدوة الحسنة للجميع. أليس المدرس هو المربي للطلاب.
ده شيئ غريب بنسمعة. أليس راتب المدرس فى جميع دول العالم من أعلى المرتبات إلا مصر ليه منعرفش والله أعلم.
يا سادة يمعالى الوزير يا معالى رئيس الوزراء يامن نعول عليهم بناء مصر الكريمة . ( فيه حل من وجهة نظري المتواضعة )
وهو مثلا الموظف في البترول يتقاضى راتب 4 ألاف جنيه مثلا وموظف البنك يتقاضى 3 ألاف جنيه شهريا مثلا .
والمدرس 1 ألف جنيه شهريا. المهم بيكون المجموع 8 ألاف جنيه . طيب منجيب المجموع ده كله ونقسمه على الثلاث موظفين ( البترول والبنك والمدرس ) وممكن يكون فيه تمييز من موظف لأخر فى المرتب من وزارة لأخرى على حسب طبيعة العمل بشرط يكون التمييز ده فى المعقول وليس كبيير يثير الدهشة للأخر.ومن هنا تكون فيه عدالة فى التوزيع. وتكون الناس نفسيتها مرتاحة
وبالطريقة دى ذالك لا يكلف الدولة اى شيئ زياده فى الميزانية نقصد يكون فى عدالة فى التوزيع
الهموم لدينا كثيرة وخاصة المدرسين انتم تعرفون تماما ما يعانيه المدرس داخل الفصل من شرح واجهاد تام فى عملة ومنش عاوز اقول مثلا بأن موظف البنك جالس فى التكييف وهكذا اللهم مالا حسد. اتمنى الإحساس بالمدرسين بل بجميع الموظفين فى الدولة . نحن نريد لمصرنا الحبيبة الخير والنماء والتقدم والرقى. وعشان يتم ذلك لابد بأن يكون الجميع عنده احساس بالراحة النفسية وكيف يتم ذلك ألا بالعدالة فى التوزيع.
يارب تكون الفكرة وصلت .