ها ايه رأيك لو تبدأ من بكرة ان شاء الله ...
1 / هاتقوم تجيب ورقة وقلم وتكتب المواد اللى عليك السنة دى ان شاء الله
وتحاول تكتبهم من حيث الأهم فالأقل أهمية
يعنى تبدا بالمادة اللى انت حاسس انك مقصر فيها أكتر وتوزع جهد ووقتك على المواد كلها
(يعنى ما تقولش انا هاقعد عليها يومين متواصلين اخلصها وبعد كده اركنها على جمب
لأ ده غلط انت كده هاتأثر على مواد تانية واحنا مش عايزين كده ..ورزع جهد وطاقتك ووقتك على الخمس مواد اللى عندك )
2 / بعد كده ..تشوف ايه الوقت اللى عندك اللى بتذاكر فيه وبتقعد فيه مدة اطول متواصل فى البيت يعنى مابتخرجش للدروس
فكل واحد بقى ينظم وقته على حسب مواعيد دروسه
وخد بالك لازم تكون ماشى فى الدروس برده كويس يعنى مايكونش كل تركيزك على مادة واحدة بس
لأ اعمل برده المطلوب منك فى الدرس عشان مايفوتكش حاجة جديدة
4 / تخلص من الأوهام اللى بتسيطر عليك , يعنى لازم يكون عندك ثقة بنفسك
ماتقولش الوقت عدى والوقت فات وانت قاعد كده مابتعملش حاجة ..ثق بنفسك وبقدراتك والثقة بالله أولا
5 / ماتبصش لغيرك ...دى حياتك مش حياة حد تانى والفترة الجاية دى مش محتاجة انك تقعد تقول ده فلان عمل وفلان ماعملش
وده بيقعد يقول ماذاكرتش وهو اكيد بيذاكر ..لأ سيبك منهم خااااااالص هما مش هايأثرو على نتيجتك فى حاجة
يعنى اللى ذاكر ذاكر ربنا يوفقه واللى ماذاكرش فربنا يهدينا وماتشغلش بالك انت
ولازم تبعد عن اى طالب بيقعد يقول مابعملش مابذاكرش ودايما مش راضى عن اى حاجة خالص
لان ده بيضعف من معنوياتك ومش هاتعرف تركز فحاول على الأقل الفترة دى تبعد عن الأوهام دى كلها
وتحط قطن فى اذنيك (ودى ان شاء الله المشاركة الجاية ليا انتظروها )
6 / ودى أهم نقطة وهى اللى هاتمكنك من انك تعمل كل اللى فات ده ..انك تحسن علاقتك بربنا
ببساطة شديدة جدا ..حافظ على صلاتك ويا سلام بقى لو تتوجها بقراءة او سماع القرآن قبل المذاكرة
هاتعطيك دفعة قوية جدا بأنك تستمر وان شاء الله ربنا هايكرمنا
ودايما تدعى ربنا قبل ما تذاكر انه يسهل لك
وكما قال حبيبنا محمد صلى الله عليه وسلم
" لا تعجزوا فى الدعاء فلن يهلك مع الدعاء أحد "
" ألا أدلكم على ماينجيكم ويدبر لكم أرزاقكم ..تدعون الله فى ليلكم ونهاركم فإن الدعاء سلاح المؤمن "
صدق رسول الله صلى الله عليه وسلم .....واوعى تكون انانى وتنسى اخواتك الغلابة ..!!
وأخيرا أحب أختم بالمقولة دى : إن قضاء سبع ساعات في التخطيط بأفكار وأهداف واضحة لهو أحسن وأفضل نتيجة من قضاء سبع أيام بدون توجيه أو هدف
والســــــــــلام عليكم ورحمة الله وبركاته