اخي الكريم : انت لا تفتري على احد ولكنك تطلب حقك من الممكن ان تكون مش عاوز مرتبك اصلا ولكن غيرك بيتعب ويشقى علشان يلاقي اخر الشهر هذا الفتات لكي يسد به جوع اولاده او ايجار لشقته ... وهذه الوقفة ليست تمردا على النعمة التي وهبها الله لنا او اختلافا عن ناس كثيرين نحن افضل منهم بل نحن نطالب بانسانية المعلم وادميته لا تنظر با عندك انت ولكن ليكن كل واحد منا حاسس بمعاناة الاخرين بمعنى انا مرتبي 950 ج وزميل لي 332 ج هل نحن متساويين لما يقوم هو يطالب باجره ايه اللي يزعلني انا ... اخي الفاضل: الحرام هنا هو اني احرق نفسي في المظاهرة !! اكسر سيارة !!! اعتدي على ممتلكات الغير ... تكون سلمية نقية بدون ادنى خسارة لاحد .. زي ما اكون اعتديت عليك وانت ذهبت للقسم لعمل محضر لتاخذ حقك ؟ ايه المشكلة في دي !!! لما يكون واحد له نفس مؤهلك واصغر من سنك ؟؟ انت تاخد 400ج/ش وهو 4000ج/ش عارف ايه المشكلة ان هو بيشتغل في وزارة البترول او الكهرباء وانت في التربية والتعليم !!! لو الرغيف وصل تمنه 100 قرش هو يشتري وياكل وانت ماذا يكون موقفك ؟؟ ياريت نخلي الدين بعيد عن السياسة ويكون لسان حالنا الدين مع قضايا الدين والله الديان لان ببساطة وزارة التربية والتعليم لا تعاملنا بمنطلق الدين او بسماحة الدين ولكن معاملتها سياسية بحته !!!!!!!!!!
|