السلام عليكم ورحمة الله وبركاته
وكالعادة نتيجة محافظة الشرقية لازم تعمل قلق . مفيش مرة تعدى بامان ابدا
عموما انا عندى رأى . ياريت ياجماعة ما نصدقش اى كلام بيتقال لانه خفاف بقو كتير جدا
كل واحد يطلع بخبر من دماغه ملوش اى مصدر يسبب بيه قلق الناس فى غنى عنه والناس اساسا مش مستحملة
المهم : هى نتيجة الشرقية معروفة . حنستناها زى كل سنة على موقع توجيه
وطبعا سيرفر توجيه ما بيستحملش 3 او 4 يخشو عليه فى وقت واحد فحيقع بدرى بدرى
الناس حتتجنن وحتبتدى تدور على مواقع بديلة وطبا لازم نعدى على موقع المحافظة
وده انت وحظك يا نزلها يا ما ينزلهاش
حنلف لفتنا ونخش طبعا على موقع الوزارة
وان شاء الله برضو مش حنلاقيها عليه
حنبتدى نقلب فى دفاترنا لحد ما نوصل لموقع عمرو الفاروق
لكن فى حاجة لازم اقولها
نتيجة الترم الاول السنة دى كانت نزلت على موقع بديل
عايز اقول حاجة فى النهاية
احنا حنتابع النتيجة على كل المواقع الرئيسية وان شاء الله وقت ما تظهر الكل حيعرف
ورسالة لخفاف الظل ياريت ما تلعبوش باعصاب اخواتكم وتتقوا لله فى الى بتقدموه فى المنتدى
والى عنده حاجة اكيدة يفيد بيها الناس ياريت يكتبها ويذكر مصدرها
وفى النهاية
تمنياتى للجميع بالنجاح والتفوق وتقبلو منى ارق الامنيات