في اسيوط انا لسة قاري خبر على الجزيرة مباشر ف الشريط بتاريخ 10/6/2011 بالليل
ان محافظ اسيوط وافق على تعيين معلمين الحصة بأسيوط والتعاقد مع عمال نظافه
مش عاوز اسأل هل الخبر صحيح ولا لأ لاني متأكد انو صحيح لان مش أول مرة يتقال كلام زي كده ونا عندي فيديو لوكيل الوزارة
مصورهولو بنفسي من مكتبه وهو بيقول بقلب جامد " تروح يا جمال ( الظاهر جمال اللي بيبقى في فانوس علاء ) دلوقت تعمل
تعاقدات للناس اللي بالحصة كلها .. ده كان بتاريخ 23/4
وطبعا مفيش حاجة من ده حصلت
وهنروح بعيد ليه ... هو مش الراس الكبيرة طلعت قرار واتبعت بالفاكس لجميع المديريات اسمو قرار 75
عملنا بيه ايه!! كل مدرس ياعيني كان معاه أكتر من نسخة كل واحد على عدد عيالو ممسك كل عيل نسخة من القرار
وبيقولو بارك لبابا هيعترفو بيه انو هو مدرس بس للأسف مبيقولوش " عقبالك يبني " بيقولو ربنا ما يوريك
وفي الآخر ايه اللي اتنفز من القرار بخصوص معلمين الحصة
يعني المسألة مش مسألة قرارات ولا موافقات ... هو الكلام فيه أسهل منه !!!
حسبنا الله ونعم الوكيل
__________________
لا إله إلا أنت سبحانك إني كنت من الظالمين
حســ علي ــين
معلم رياضيات إعدادي
|