[الأستاذة هدى]

المشاركة الأصلية كتبت بواسطة maezzat

السلام عليكم يا معشر المعلمين
انا شفتكم زعلانين لانكم مش حتزيدوا زى الباقى
وفى ناس قالت دول فكروا فى اساتذة الجامعة بس لانهم منهم
انا ياسيدى دكتور فى كلية التربية و مرتبى 1100 جنية و معنديش دخل تانى !
اية رأيكم ازيد ولا لأ ؟

فى حاجة مهمه اتقالت و محدش اخد بالة منها.... المعتصمين من المدرسين لا يتعدوا المأتين!!!!
أكيد المعتصمين دول من مدرسين الزراعة و الرسم و المشرقين الاجتماعيين
بقية المدرسين زى بتوع الكيميا و الفيزيا و الرياضة و الخ طبعا مشغولين بالفلوس فى المعاهد و البيوت....
و فى الاخر بيبصوا لاعضاء هيئة التدريس اللى كانوا فى يوم من الايام سبب فى اللى هما فية دلوقت

هى دية مصر.......

شكرا على سعة الصدر

بل نحن نشكرك على اهتمامك ومشاركتك
التى نرجو الا تكون الأخيرة
واسمح لى تبيان بعض النقاط رداً على مشاركة حضرتك !!

بالطبع لا يرضينا راتب حضرتك والذى يدل على حداثة تعيينك
فما بالك بمعلمين هاهنا يكتبون عن صافى راتبهم بعد مرور 20 عام او 25 عام ولا يصل لراتب حضرتك ؟؟!!

المكافأة فى نهاية العام للمعلم 200 يوم بنسبة 5% مرة واحدة بينما تزيد عندكم بالجامعة !!

جميع الدكاترة يتقاضون مقابل مذكراتهم والكتب (التى هى قص ونسخ) والتى تباع بالإجبار للطلاب وأنت تعلم هذا !!!

المهنة التى يمارسها كلانا معلمون ودكاترة جامعات واحدة !!!!!!!!!

ظروف العمل لهذه المهنة الواحدة تختلف كلياً وجزئياً من صلاحيات واسعة لكم وسبورات تكتبون عليها بالأقلام الى سبوراتنا المريضة التى نتكلف ثمن الطباشير الذى نكتب به الى الأمراض التى نتعرض لها من جراء هذا الطباشير وكأننا بشر غير البشر !!!

قولك :" و فى الاخر بيبصوا لاعضاء هيئة التدريس اللى كانوا فى يوم من الايام سبب فى اللى هما فية دلوقت"
تناسى كذلك فضل المعلمين على أساتذة الجامعة وان المعلمين هم بالقياس الى كلام حضرتك سبب فيما انتم فيه وليس (فية) دلوقت !!
بل بالقياس الى كلامك يكون المعلمون أصحاب السبق والفضل !!

أما قولك عن عدد المعلمين فهو سليم فى بدايته فقط
اما كونك رجل علم فكان من المفترض ان تدعم كلام حضرتك بأرقام ولو نسبية لكن ان نأخذ الأمور على عواهنها فهذا غير علمى
فحتى معلمى الكيمياء والفيزياء والرياضيات فليس كلهم يعطون دروس خصوصية بل هى نسبة منهم قد لا تتعدى 10% ما يسمون حيتان الدروس
يستحوزون على الحصة الأعلى من السوق !!(بلغة الإقتصاد)!!
وبالتالى فالغالبية العظمى من المعلمين تئن وستظل تئن
وأدعوا المسئولين الى عدم تقدير صمت المعلمين على انه الرضا
بل انه تقديرهم لظروف هذا البلد وهذا من عظمة قيمة المعلم الذى كاد ان يكون رسولا
فإنه يستبقى صالح هذا البلد عن مصالحه الفئوية
لكنى أحذرهم من الإعتماد كثيراً على رقى المعلمين وتقديرهم لظروف هذا البلد

تحياتى لحضرتك وأرجوا ان تتقبل رأيي بسعة صدر
فالإختلاف فى الرأى لا يفسد للود قضية !!
تحياتى