السلام عليكم
كانت معنا تلك المشاركات
وتقريبا الاسبوع قرب يخلص يااحبائي في حد
ناوي يشترك
ولا ايه بالظبط
كانا معنا اول متشارك هيا بنا نشوف قال ايه ياسيدى الرئيس مال
ك كده بتهيص
وحققونا بتتدهلنا بطريقة التقصيص
مبلاش ملوعة ياريس وكفاية بقى تهجيص
خلينا نعيش ياريس وكفاية تبقى حريص
تعليقي علي الكلام الله عليك بجد
وديت كانت مشاركه رقم اتنين
لانسه طمعانه البت الوحيده اللي طلعت جدعه
سياسيه حنقول عنها ايه
بنعرف فيها قد ايه
بنعرف اه بنعرف
الدنيا كلها سياسيه
حتكلم عنك يامصر
بلدي وموطني فيكي
حياتي وطول سنين عيشاها فيكي
جه فيكي قد مجه فيكي من عدوان صليبي لحد الاسرائيلي
ناس حربت وناس دمرت فيكي
ناس حربت عشاانك
وناس ماتت فداكي
وناس جيه تخرب اراضيكي
صمدي اد ايه
وحتصمدي اد ايه
كفاياكم تخريب تدمير
ما اخدو كل جميل وكمان شكر وتقدير
اجيال عظيمه ملهاش في العظمه مثيل ماتوا فداكي
واجيال جايه تخرب فيكي عايشه جواكي
قارنيهم يابلدي قارنيهم وشوفي مين يستهلك يامصر
همك يامصر طويل لا تقيل
تعليقي بارك الله فيكي
*******************
وكان هذا مشارك رقم 3
لاستاذ y / m
سيدى الرئيس:معذرة ان قطعت عليك طعامك ولكنى اود ان اعرفك بنفسى،انا ولد من بلدك من مصر،لا تتعجب لمنظرى لانك سبب فيه ايرى وجهى النحيل انه نتيجة لدعمك الكبير، اترى ملابسى الممزقة انها من معونتك لتى تجلبها،اما عن الاوراق التى فى يدى انها شهادةوفاة ابى، ذلك الذى عذبه رجالك فى قسامك ، اراك تدعونى للاكل ، اهذا لخم شعبك، معذرة سيدى انا لا اكل اللحم ففى ظل سياستك انا ضعيق فقير يا سيدى
تعلقي الله ينور
*********************************
وتلك هي المشاركه رقم 4
ودي كانت للواد احمد
تعالو نشوف بيقول ايه
حبيبنا يا ريسنا
يا غانينا و ملبسنا
يا اللي مزود كيسنا
وفاككها علينا
يا حبيب قلبي يا ريس
انا بخير ... طول ما انت كويس
بقول الحق ..... مش بيهيس
هو انت عملت حاجة فينا ؟
الدعم اهوه زودته
والحج جوز بته
و الواد اشتغل بشهادته
هينهبوا اهلينا ؟ !!
حوافز في العالي
الخزنا بتلاااااالي
مبقتش تفرق
شرين ولا سالي
مين الحريم .... و مين الرجاله فينا ؟!!
--------
اهلا بالغالي ابن الـ........غالي
والله كنت لسه في بالي
في صالحك الوضع الحالي
هتحكم في اهلينا
معاليك هتاخدها وراثه
مكتوبه في الكراسه
مهو فيه ناس خباصه
مش مفاجأة علينا
-----
البلد بتاعتكوا
والاراضي الزراعيه ... حديقه بيتكوا
والجيش بيحرسكوا
واحنا نحرر سينا !!
-----
تعليقي مش عارفه اقول ايه بجد
بارك الله فيك
****************************
وتم تحديث مشاركته
تعالو نشوف قال ايه معن الاولي اجمل
خير الكلام مقل ودل
معذرة سيدى الرئيس ،سوف أقطع غدائك، لاسيدى لاتقم لى ، انا اريد ان اتكلم معك،احب ان اعرفك بنفسى أنا ولد من شعبك،اعرف انك ستتعجب،لاننى مازلت ارتدى بعض ملابسى فأنت تعلم ان شعبك عريان
ولكنى حويط ،لقد خبئت الشراب وملابسى الداخلية فقط ،نعم هذا هو سبب العجز فى ميزانية الدولة اننى خبئت هذه الملابس، اعرف ستقول اننى طماع ، مش مشكلة ، اراك تدعونى ان اكل معك ، شكرا سيدى فانا مازلت شبعانا من الوجبة التى اكلتها الشهرالماضى ،اعرف اننى مفجوع لاننى اكلت نصف رغيف فى هذا الوقت
فاعذرنى لقد كان هذا سببا فى تقليل الدقيق وغلاء سعر العيش، اراك تنظر الى يدى نعم هذه اوراق دفن ابى
نعم تستعجب اين دفنته ،لقد دفنته فى مقبرة كانت فى خرابة وراء البيت، اعرف اننى بذلك قد اديت الى ازمة فى بيوت الاسكان والشباب ، وقد اخللت بنظام البيئة وتسببت فى خرم الاوزون
لقد جئت لاعتذر سيدى عن كل هذا ، ومستعد لاى شئ ستفعله بى الا ان اذهب الى قسم الشرطة معذرة هذا شرطى،
انها رسالتى يا سيدى وشكرا لك على وقتك المفتوح لى رغم رغبتك فى دخول الحمام
***********************
وديت كل المشاركات
في حد عايز يشترك
واخيرا بشكركم كلكم
وزعلانه من البنات اووووووووووووووووووي
لان محدش فيهم اشترك غير واحده