أدب .. أحمد شوقي : يمدُّ الدُّجى في لوعتي ويزيدُ
http://www.adab.com/modules.php?name...hqas&qid=9543
دي القصيدة كلها بتاعة شوقي ،،،
طبعا لا فيها وحدة جو نفسي و لا حتي وحدة موضوع ... !
بس طبعا هتقولوا لي ، احنا لينا بالابيات اللي في الامتحان ، تمام جدا .
برضة الابيات اللي جت لنا مفهاش وحدة عضوية ، عشان لو حتي مفهمتهاش لوحدها كدا ، وقريتها من القصيدة ككل ، هتلاقي ان البيتين دول كانوا زي نقلة ما بين فكرة و فكرة تانية ، فطبيعي متكونش اتحققت .
غير كدا كمان ، اساس الوحدة العضوية وحدة الموضوع و الجو النفسي ، مش وحدة الموضوع بس ،
و فكرة ان المناهج اتغيرت و كدا دي انا مش مقتنع بها اوي ، لان 3 ثانوي بالذات ، غالبية امتحاناتها بتيجي من اسئلة السنين اللي فاتت ، حتي سوال انت سيد قرارك و كم تشتكي و صورة الكمال و العلم في الاسلام جاي من السنين اللي فاتت بالنص ، فالموضوع مش محتاج كلكعة او فذلكة كتير ،
و ياريت اللي كان عنده مراجعة ليلة الامتحان ، يشوف هم قالوا اية عن الوحدة الفنية دي و امتحان 92 و 95 ،
حاجة اخيرة كمان ،
كل اسئلة الوحدة الفنية في امتحانات السنين اللي فاتت ، كانت بتقول : لقد تحققت في الابيات الوحدة الفنية . وضح .
يعني صيغة السوال بتاعنا دا ، ملفتش انتباه حد كدا خالص .