اقتباس:
المشاركة الأصلية كتبت بواسطة Taleba Me7tasa
منغير ما افكر حتى
اكيد اي حكم بنحتاج نعرفه ف حياتنا مش هيخرج عن القران والحديث الشريف
عشان زي ما قال الرسول طبعا (عليه الصلاة والسلام)
"تركت فيكم شيئين لن تضلوا بعدهما كتاب الله وسنتي"
بس المشكلة تكمن ف الحاجات اللي مش واردة صريحة ف القران والاحاديث
اللي هي الحاجات المستجدة اللي مكانتش موجودة وقتها
زي التليفزيون وفرضية الخمار وغيرها
اللي بتخضع للقياس او كل عالم بيفسرها من وجهة نظره
مفيش اتفاق بينهم ودة اللي عامل المشكلة
مع انك اهو لما تسمع لراي اي حد منهم ويقولك قال الله تعالى ويقولك تفسيره الخاص
تقدر تعارضه ؟
احنا اهو قدرنا نعارض او نناقش اي فتوى من اللي اتقالت
لان ببساطة احنا مش دارسين الدين واللغة والحاجات دي كلها
ولو كنا نقدر نطلع اللي احنا عايزينه من القران والسنة
مكانش هيبقى فيه ولا علماء ولا مفتي ولا مفسرين
على اساس اننا فاهمين القران والحديث ونقدر نعرف اللي احنا عايزينه بسهولة
دة حتى المفسرين اختلفو ف بعض الايات يبقى احنا ياللي مش دارسين ولا حاجة من اللي هما درسوها هنفهم المقصود منها كدة بسهولة
|
هوه انا قولت بلاش تفسير
يعني ازاي هتقدري تفهمي القرآن كويس من غير تفسير
بس في نقطه انا مقولتش ان الواحد يبقي فاهم القرآن والحديث ومش محتاج للعلماء
واكلمت علي التفسير
بس لما الواحد يحتار في فتوه لازم يفكر بعقله
يعني زي التلفزيون مش هقدر اقولك غير ان سيدنا محمد-ص- امرنا اننا نغض ابصارنا
ومفيش حاجه مش مذكوره في القرآن و السنه عشان نلجأ دائما للفتوه
انا مش عالم دين بس لما حاجه مش بكون فاهمها بدور عليها في كل حته وببحث ع النت
وبشوف اراء العلماء وبوزن الموضوع بعقلي بشوف مين الصح ومين الغلط
ومحدش يقنعني ان لما اشوف اكتر من رأي مش هقدر اكون الرأي الصح بعقلي