للأسف مشكلة الإحباط دي فينا إحنا .... عمر ما الحياة كانت طريق واحد
تفكيرنا أضيق بكتيييييييييير من إننا نعرف حكمة ربنا ورا كل حاجة .... دايما بيبقي كل حاجة وراها حكمة
والله أعرف ناس كتير جدا كان حلمهم طب أو هندسة بس ملحقوش الكليات دي بسبب 1 أو 0.5 في المية
ومدخلوش الكلية اللي كانوا بيتمنوها والدنيا إسودت في وشهم ... بعد شهور في الكلية الجديدة بيحمد ربنا إنه دخل الكلية دي وبيقول أنا مش متخيل إزاي كنت هدخل كلية غير الكلية دي
والله كلنا تعبنا بجد ... ودايما بنبقي شايفين إن الخير لينا في الكلية دي بس يا إما هنضيع ... وربنا قال وعسي أن تحبوا شيئا وهو شر لكم والله يعلم وأنتم لا تعلمون
لما تذاكري وتعملي إللي عليكي قدام نفسك وقدام ربنا متسأليش عن اللي بعد كده لأنه بتاع ربنا ... التوفيق والنصيب بإيد ربنا بيوزعه بحكمة محدش يعرفها غيره
أهم شيء نقول الحمد لله ... وإحنا لسه في تاني إمتحان يا نادو ... شدي حيلك وكملي المشوار بما يرضي الله ومحدش عارف بكرة مخبي إيه وربنا يوفقك
|