[محمد السويركى]

الساعة الآن 10 صباحا اليوم الثلاثاء 14 يونيو
اتصلت بالاكاديمية فرع الزقازيق . فيه شخص محترم على التليفون بيرد على طول
المهم سألتو على موقف اللى حولهم المجلس القومى للامتحانات على فروع الاكاديمية .... حولنى على استاذ يبدو انه المسئول كان بيجادل زميلة مسكينة تخصصها اجتماع وخلوها تمتحن علم نفس .... المهم سألتو على وضعى فكان الحوار كالتالى:
هو : انت تخصصك ايه؟
انا: انجليزى اعداى ثانوى
هو : طب وامتحنت ايه؟
انا: انجليزى اعدادى ثانوى
هو : الله ... طب ما فيش مشكلة كده
انا: امال محولنى على الاكاديمية ليه
هو : والله ما يعرفو حاجة هم بيوزعكو وبس
انا : : frown:
هو : تعالالى بعد اسبوع . دا انت معندكش مشكلة
انا : طب بص حضرتك
هو : ياله يا استاذ كفاية كده
انا : لحظة بس
هو : يا استاذ ..زز انت اسمك ايه
انا : محمد
هو : ياله ياستاذ محمد
انا :
حد يقولى بقى ايه اللى بيحصل
ومين مسئول عن مين