[صوت الامة]

المشاركة الأصلية كتبت بواسطة sofia adam

لا حضرتك الشيخ حازم عايز دوله دينية مش مدنية ذات مرجعيه اسلامية ديه كانت اول جمله فى لقاءه مع الاعلامى عمرواديب صح و لا ايه ؟؟
بصراحة مسمعتهوش وهو حضرتك مين الى هينجح ومين الى هيسقط مش بادينا
والله قدم برنامجك عجبنى خلاص هديلك صوتى معجبنيش خلاص اشوف الاحسن
يعنى الشيخ حازم مش هينجح لوحدة ولا مش هيوفقك لوحدة احنا ال بادينا

ثانيا : هو الى مش تربى على يد الاخوان او سلفيين يبقى مش ذو تربيه حميده ؟؟

المشاركة الأصلية كتبت بواسطة sofia adam

مين قال كدة دة في ناس ماشاء الله بجد متربية احسن تربية
هو حد قال ان الاخوان او السف تربيتهم احسن ناس كل الموضوع انهم بيتكو على الجانب الدينى والاخلاقى اكتر
بس فبالتالى معظمهم بيبقا ذو تربية حميدة واخلاق عالية

ثالثا/ مين قال لحضرتك ان امريكا بتعامل المسلمين وحش ؟؟
والله دة الى انا شايفة هل مسلمى امريكا يتمتعون بحرية مثلما يتمتع اخونا المسحين او غريهم من الديانات فى مصر؟
رابعا : رمضان الى فات كندا خصصت من كل كنيسه نصفها لاقامة المسلمين صلاه التراويج و قيام اليل فيها بسبب قله عدد مساجد و هذا يدل على مدى التسامح بين الاديان

صوابعك مش زى بعضيها اختى اكيد فى دول بتحترم المسلمين زى مفى دول المسلمين هم الد الاعداء ليهم

انما فرنسا فهى منعت النقاب و ليس حجاب و الموضوع مش كان على المسلمين و بس ..لا ديه منعت زى يهودى ايضا بيخفى ملامح و ذلك حفظا على الامن العام يعنى الموضوع مش قصرا للمسلمين .

دة فى كبت للحريات ومش عازين نساوى المسلمين باليهودى او غيرة لان النسبة الاكبر هما المسلمين فلابد من احترام ليهم ولعقيدتهم وتدينهم مش فرض حظر عليهم وسجن هل ابناء فرنسا يعاملون هكذا فى دول الاسلام؟؟

رابعا : ان متفقه معاك ان فى دول فيها عنصريه شديده زى المانيا و مش كلهم اكيد
فى كتير صدقينى
خامسا لو الشيخ حازم الى انا شخصيا مش عارفه كداعيه ليس جهل منى فى الدين لكن انا افضل معز مسعود-عمرو خالد- مصطفى حسنى ( لانهم يتصفوا بالوسط و حياديه ) مش كله حرام و بدعه و غلط زى ما باقى بيقول
هو حضرتك سمعتى للشيخ حازم ورئتى تشددة؟ يعنى خرج مثلا فى يوم وحرم وكفر وتشدد وتعصب؟
مش كل الدعاة اختى ولو حد عمل كدة يبقى اجتهاد شخصى منة ومن اجتهد واخطا فلة اجر ومن اجتهد واصاب فلة اجران مش عازين ناخد كل الدعاة على اساس انهم متشددين ومش معنى انى مربى دقنى ومكبرها حبتين ابقا متشدد فكر خاطئ
سادسا : دوله دينية يعنى حرب اهليه يعنى دمار شامل يعنى حنقسم و انقسام يعنى مافيش شغل و تعاون و لا تطوير للبلد و حنبقى زى لبنان مظبط

اتمنى معرفة رايك و احترم رايك بشده

الحتة الاخيرة دى انا مقدرشى افتى فيها
الى اعرفة بان الدولة الدينية ليست من الاسلام لان الاسلام لا يعرف الدولة الدينية
مصطلح الدينية دى متعرفتشى غير فى اروبا واقيمت على يد البابوية لانهم هم اللذين كانو يتحكمون فى صغيرة وكبيرة
فى البلد وهم الى كانو بيحرمو التقدم والفكر وكانو بيستخدمو العنف ضد التقدم لدرجة باهم كانو يسجنون كل من اخترع شئيا او ابتكر شيئا جديدا ووصلت العقوبة الى الاعدام وانتهت عند قيام الثورة الاوروبية الحديثة
اما الاسلام غير ذالك تماما اسلامنا يعنى تقدم يعنى حرية وديمقراطية يعنى امن وسلام
اسلامنا يعنى تشجيع لكل المجتهد يعنى تقدم واذدهار وعدم تشدد اسلامنا دين وسطى
كما اخبرنا بذالك ربنا عز وجل (وكذالك جعلناكم امة وسطا لتكونو شهداء على الناس ويكون الرسول عليكم شهيدا) اسلامنا عظيم لانة دين الله عز وجل (ان الدين عند الله الاسلام)
اشكرك لتقبلك راى واسلوبك فى المناقشة
جزاكم الله خيرا