اقتباس:
المشاركة الأصلية كتبت بواسطة رضوى سيد حسين
انا عارفة ان ده موقع تعليمى مش للمناقشات وانا عارفة ان امتحانتكم شغالة لكن انا نفسى ادخل كلية العلوم واكتر مادة سهلة عندى العلوم وخصوصا الكمياء وعلى فكرة انا جبت الدرجة النهائية فى العلوم فى تالتى اعدادى صحيح مجموعى مش عاجبنى 96.5 % لكن المهم انى قفلت العلوم وعارفة انكم مش هاتصدقونى انى قرات كل كتب سنة اولى كلية علوم بس الاحياء لا لانى بكرها جدا جدا جدا لكن انا عندى مشكلة ماما تقولى ان كل المتخرجين من كلية علوم بيشتغلوا مدرسين علوم هل هذا صحيح وبتقول انى لو مجبتش امتياز اكنى معملتش حاجة وانى هاعد اذاكر واجهد نفسى علشان فى الاخر ابقى مدرسة وتلح على حتى ادخل طب اوصيدلة
مارايكم
استغاثة من عالمة مستقبلية ومساعدة احمد زويل مستقبلا انشاء الله وممكن احسن من احمد زويل نفسه |
بالنسبه للشغل
طبعا مش كل خريجي علوم بيشتغلو في التدريس
علي سبيل المثال
الكيميائي ممكن يشتغل في كل الوزارت في تخصصه فممكن يبقي
كيميائي طبي ......... وده اخصائي تحاليل طبيه متخصص في تحاليل كيمياء الدم زي انزيمات الكبد وانزيمت الكلي والقلب والهرمونات والسكر الخ وده تابع لوزاره الصحه
كيميائي شرعي ....... وده اخصائي كيمياء شرعيه وسموم اي في التحاليل الجنائيه اللي بتدلل الشرطه ع الجرائيم وده تابع لوزاره العدل
كيميائي تطبيقي ...... وده يعني كيميائي بيشتغل في المصانع في التصنيع زي تصنيع الادويه ومستحضرات التجميل وده تابع لوزاره الصناعه
كيميائي في البحث لعلمي ....... وده بيشتغل في الابحاث العلميه ومراكز لبحوث وده تابع لوزاره البحث العلمي
كيميائي بيشتغل في التدريس.... وده لو بيدرس لثانوي وكده يبقي تبع وزره التربيه و التعليم ولو بيدرس لكليات يبقي تبع وزاره التعليم العالي
كيميائي ظابط ......... وده بيشتغل كيميائي في الحربيه زي عمل الاسلحه الكيمياويه للي بتستخدم في الحرب وكده وده تابع لوزاره الانتاج الحربي
ايضا هناك بعض الكيميائيين بيشتغلو في وزاره الاثار في التحاليل االكيميائيه الخاصه بالاثار
لكن المشكله انك
بتلاقي منافس ليكي
زي مثلا
في وزاره الصحه في التحاليل الطبيه بينافسك الطبيب
في وزاره الصناعه في تصنيع الادويه بينافسك فيها الصيدلي
وايضا في وزاره الصناعه في نصنيع بعض الكيماويات بينافسك فيها خريج هندسه
ايضا في التدريس ينفسك خريج تربيه
في البحث العلمي ينافسك بردو كليات كتيره زي صيدله وطب وهندسه وزراعه
عشان كده الغالبيه بيتكمل دراسات عليا عشان حته المنافسه دي
طبعا كليه علوم مش بتخرج كيميائيين بس
لكن اغلب اقسام كليه علوم بتخرج كيميائيين زي قسم كيمياء سبيشيل و قسم كيمياء حيويه وقسم كيمياء صناعيه وتطبيقيه قسم كيمياء وميكروبيولوجي قسم يكيمياء ونبات قسم كيمياء وحيوان قسم كيمياء وفزياء قسم كيمياء وكيمياء حيوي الخ
وده ادي الي ان اي حد بيتخرج من كليه علوم بيطلق عليه في سوق العمل كيميائي حتي لو مكنشي تخصصه في الكيمياء