السلام عليكم ورحمة الله وبركاورة ته
اولا هناك نقطة لا اختلاف عليها وهي انه لا يوجد احد هنا يحب الغش..........
ولكن هناك عدة نقاط قد نسوها
اولا انه لا يمكن القول بأن جميع المراقبين سيستطيعون ان يمنعوا الغش من المدارس هذا العام فهم لديهم عدة اسباب
1-- حرام اني امنعهم لأن دول ناس جت علي ايامهم ثورة منعتهم من المذاكرة لمدة شهرين
ما نضحكش على بعض، مفيش مدرس في مصر بطل دروس عشان الثورة، و في أجزاء كمان شالوها و أخرو الامتحانات
2--لو ما سمحتش بالغش ممكن اي طالب يتربص بي خارج المدرسة في ظل الانفلات الامني وانا لدي اولاد ملتزمون مني
الجيش واقف على باب كل لجنة و أقل عسكري هيقوم بالواجب
3--كده كده دي اخر سنة ليهم وما جتش علي ديه يعني
غش ١٢ سنة و ماتغشش في ثانوية عامة، دي بتحدد مستقبل ناس و مستقبل بلد كاملة
4--جميع اللجان بها غش ولو حصلت اني ما غششتش الطلاب هيحصل هرج ومرج وبلطجة
صاحب الحق قوي، و مجرد ما حد ينادي الظابط كله هايلم نفسه
**************وجميع هذه الاسباب منطقية فعلا*************
ثانيا :للي بيقولوا انهم يشتكوا للوزير فالوزير عارف ده كله .......
البلوج سبوت بتاعت الوزير مافيهاش أي شكوى عن الغش لحد دلوقتي، و الوزارة دلوقتي بتستقبل عناوين اللجان اللي فيها غش و هيبقى في إجراءات كتير
لأن مش معقول الوزير نايم يعني........وهو أكيد متابع ...
ومن تابع قرارات الوزير قبل الامتحانات سيجد انه يعلم ان هناك غش
1---انه لن يزور المدارس هو او اي مسئول
ممنوع الزيارة عشان التشتيت
2---انه اعطي اوامر للمراقبين بعدم التضييق علي الطلاب
تضييق يعني إضطهاد، يعني المقصود يديله حقه
3--- عندما اتصل الناس لكي يشتكوا من الغش الجماعي رد عليهم بأن هذا الخط مخصص للابلاغ عن البلطجة فقط
جرب اشتكي و إسمع الرد بنفسك
4---ذكر للمراقبين الابتعاد عن كل ما يضايق الطلاب
جرب اشتكي الغش في اللجنة و إسمع بنفسك
وغيرها من القرارت
واخيرا ان رؤساء اللجان ودي انا شفتها بنفسي هما اللي بيوصوا المراقبين بأنهم يسمحوا بالغش
أخيرا بقى رؤساء اللجان بقى وأنا شفتها بنفسي مستنيين شكوى و طبعا ماحدش بيشتكي
***************ممكن تكون الاسباب الخاصة بالوزير عادية ولكن لو جمعتهم مع بعض هتفهم قصدي *******
سؤال ليك انتا : ايه مشكلتك مع الغش
1--انه بيساوي الطالب المذاكر مع الطالب الغير مذاكر
2--ان انا تعبت طول السنة وييجي في الاخر واحد مش عارف يكتب اسمه وياخد علي الجاهز
3--ان التنسيق هيرتفع
*************انا عن نفسي معاك في ده كله بس انتا ما فكرتش ان ممكن الغش ده يكون ربنا خلاه يحصل السنادي لتعويض المظلومين من العام الماضي************
ربنا ما بيعوضش حد بالحرام
وممكن يكون فيه طلبة كتير كانوا هينتحروا لو لم يكن هناك غش لان مجاميعهم مش هتدخلهم حتي{كلية زبالة قسم اكياس بلاستيك}
يدخل حقوق و يطلع محامي متفوق أحسن ما يدخل هندسة و ياخد السنة في تلاتة
و ممكن يكون واحد ذاكر السنة اللي فاتت وجاب درجة وحشة في الامتحان وده اثر عليه السنادي وخلاه ميذاكرش {وهذا ليس خطأه هذا خطأ النظام التعليمي}
اشتكي النظام التعليمي، و ماحدش ضربك على ايدك عشان تدخل ثانوية عامة، في نظام أمريكي و بريطاني و الماني و فرنساوي، و ما تبررش غلط بغلط أكبر
وبالنسبة لان التنسيق هيرتفع فده حاجة غلط لان اغلب المجاميع متدنية ومجاميع هذا العام لن تغير كثيرا مع واحد مجموعه كان قليل اساسا
كدة كدة الكلية بتقبل نسبة ثابتة، المجموع قل أو زاد مش هتفرق
واخر حاجة :ان الامتحانات خلاص قربت تخلص عايزهم مثلا يصححوا اللي حصل بعد الامتحانات
************************************************** ***
لو رتبت الموضوع ده كله يبقي مفيش حل لمنع الغش في المدارس الا بعدة خطوات مستحيلة
1-- ان تقوم بطمأنة جميع المراقبين بانه لن يحدث اي اعمال عنف
2--ان تراقب جميع اللجان لكي تتأكد انه لن يحدث غش {يعني مش معقول يبقي لجنة واحدة مابتغشش ومصر كلها بتغش}
3-- ان تضع قوات شرطة وجيش عند كل المدارس {وهذا لم يحدث بل تم وضعهم عند المدارس المهمة فقط او الواضحة للصحفيين}
4--عمل خطة امنيه محكمة وتوزيعها علي جميع المدارس والتنسيق مع الوزارة والجيش والشرطة
5--ان تقنع جميع الطلاب بالهدوء عندما يجدوا اللجان بها رقابة شديدة علي الطلبة ولا يثيروا الشغب
الكلام ده بنسمعه كل يوم و في كل حاجة عايزين يخاوفونا منها و باقت نغمة قديمة، الجيش موجود و يقدر يأمن اللجان كويس أوي
************واستحالة هذه الخطوات انها مش ممكن تتعمل في 9 ايام
يبقي ريح نفسك وما تشغلش بالك وماتشغلناش معاك لانك ممكن تكون ذاكرت طول السنة وتلاقي نقطة تايهة عن بالك وتاخدها من واحد تاني
والله أنا أحب أنجح بمجهودي، و في سؤال في العربي ماكنتش عمله و سمعت واحد بيقولو و برضو مردتش أكتبه.
و طبعا الكلام ده كله يتلخص في جملة واحدة
من غشنا فليس منا