[سمسمه الشطوره]

المشاركة الأصلية كتبت بواسطة hobahoby

كلامك جميل جدا بس انا مسجلة فى الفيس بقالى سنة ومبقبلش طلب صداقة الا من صحابى او قرايبى ولا بحط صورى ولا صور بنات بحط كارتون و مش بدخل الا على الصفحات االاسلامية والسياسية والترفيهية و حضرتك قولتى ان فى مواقع اسلامية رسمية بس لما بتبقى موجودة على الفيس ولقيتى الصفحة الاسلامية دى كاتبة يلا قومى صلى الفجر بتقومى فعلا لما بيكتب الادعية او الذكار بتقوليها حتى لو لقيتيها بالصدفة وداخلة تلعبى يعنى بتكيبى ثواب وانتى مش واخدة بالك وفى الناحية السياسية شفتى ازاى حرك البلد وعمل ثورة رائعة والناحية الادبية اصحابى عاملين جروب عشان نقرا كل اسبوع كتاب ولما نخلصة نتناقش فية مش كدة بنستفيد؟
بس عندك حق انو مضيع للوقت شوية بس اية المشكلة احنا فى اجازة وفى الدراسة بنظم وقت الكمبيوتر والمذاكرة يعنى بظبط نفسى بردو صح ولا اية لو انا غلط قولى مش هزعل احنا عايزين نفهم رأى حضرتك

بصي يا حببتي انتي بتقولي انك بتستخدميه في الحاجات الكويسه وبتستفادي منه ومش بتقبلي صداقة الولاد والكلام ده كله
المشكله بقي ان كتيييييييير من البنات دخلوا وفي اول ايام كانوا مستقيمين ولا بيصاحبوا صبيان ومش بيدخلوا الا في المواضيع الاسلاميه واللي انتي بتعمليه بس في النهايه بقي حالهم زي مذكرت في الموضوع
ليه بيحصل ده
عشان الشيطان في اول مره بيقنع البنت انها مش هتخطأ وانها مش عايزه غير انها تستفيد وبس
ادخلي في الموضوع ده
http://www.thanwya.com/vb/showthread.php?t=326976
هتلاقي فيه قصة بنت يمكن هتفهمي اللي عاوزه اقولهولك
وانتي بتقولي انك بتستفادي وبتاخدي حسنات بالصدفه
مانتي ممكن تسجلي في منتديات نسائيه دينيه
وهتستفادي اكتر وهتاخدي حسنات كتييييييير
يعني انا شايفه ان هو هو الموضوع زي مابتستفادي من الفيس بوك هتستفادي من المنتديات
وبعدين ربنا بيقول ولا تتبعوا خطوات الشيطان
الشيطان في اول مره بيزينلك الموضوع وبيصفيه من المشاكل وبعدين تمشي وراه لغاية متقعي وتندمي
وصدقيني انتي اذا بعدتي عنه وسجلتي في منتديات هترتاحي اكتر
لو عايزه اسماء منتديات نسائيه انا هرسلك في رساله خاصه منتديات جميله جدا
اتمني تكوني اقتنعتي برايي
وشكرا لمرورك الجميل