[مستر محمود جنيدى]

المشاركة الأصلية كتبت بواسطة huda mohammed 2010

اسمح لى أيضا إقتراح فكرة أخرى

العالم كله بيسخر التكنولوجيا للخدمة السريعة

واحنا هنا لسه فيه موجه كل الشغل الشاغل له عند زيارة المدرسة
*دفتر التحضير
*غياب الطلبة بتوع ثانوية عامة (((بيتسجل فى دفتر خاص بالغياب والا لأ)))) على الرغم من أنه يعلم تمام العلم أن طلبة ثانوية لايحضرون
كله ورق فى ورق ونتقن الكذبة ونعرف انها كذبة ونعيش فيها

ليه منحاولش نطبق فعلا فكرة حضرتك فى أن كل مدرس بيدرس ثانوية عامة يضع تصوره ومايرغب أن يكون على شكل إمتحان

وإضافة لفكرة حضرتك -
ليه مايكونش الامتحان يرسل على النت مباشرة للجنة التى ستشكل لوضع امتحان

ولكى يأخذ الجميع هذا بشكل جاد وهام
يدخل نسبة فى التقدير السنوى الخاص بالمدرس على قيامه بهذا الامتحان

دا هيعمل تواصل معنا ومعهم
وكذلك سيكون شكل جديد متطور
هيبقى فيه تنافس للأفضل

نقاط كثيرة هتعرض للنقاش
النتيجة
إرتقاء بصورة الامتحان الذى يعكس عقول واضعى الامتحان والهيئة التعليمية

اولا انا بحييك مس هدى على سرعة تبنيك لهذة الفكرة بل طورتيها و اضفتى لها ابعاد اخرى و هو ده الهدف من العمل و التفكير الجماعى . ثانيا قمت بتثبيت الموضوع و ده هيشجع زملاء كثيرين على الرؤية و المشاركة . و انا فى تصحيح الثانوية العامة هذا العام زارنا مستشار الغة الانجليزية فكنت عاوز اسئلة هى ايه العلاقة بين المدرس و المادة و مستشار المادة يعنى ماذا يمثل دور المستشار بالنسبة لوضع المنهج و الا متحان انا بحس ان هيئة واضعى الامتحان و على حد علمى انهم من مدرسين فى كلية التربية طيب يعنى ينفع مدرس فى كلية تجارة يضع امتحان لكلية حقوق . هو ليه التربية و التعليم بمدرسيها و موجهيها مستبعدين هو من اولى صاحب الدار و لا و عابر السبيل . و كنت عاوز اقوله اننا كمدرسين نريد اتصال بالمستشار حتى و لو من خلال موقع نعرف نتناقش و نطرح افكارنا و نحس ان احنا كمعلمين بندرس مادة حية او لغة حية . و للحديث بقية ان شاء الله