كلمة ...عايزينه مننا
عايزينه مننا ... كان عايش وسطنا ... اكل اكلنا ....شرب شربنا ... دمه من دمنا .... لحمه من لحمنا ... جوعه بالفول عباه ... وعطشه المجاري سداه .... ومخه هيفا والكورة شغلاه .... النكته لعبته ....والقهوة قعدته .... والخيبة قسمته .... واما تقشف وتضيق وياه .... اول ما يقول يقول لله .... حلمه لقمة عيش .... فرخة جمعية مكفياه .... الليفة البلدي مليفاه ... المية السقعة محمياه .... وحاله ... خمساية ولا عشراية ممشياه .... في المواصلات متنطط ... وفي الاتوبيس متقشط .... وفي النقطة متنفض .... واكيد اتمسك واتظبط .... تحري كان ولا اشتباه .... وتعب وقال بس ... من كتر الضرب على قفاه .... عانس .... لاقعد في كوشة ....ولا شاف عروسة .... ولا لقى حبيبة مهنياه .... طيب زينا .... حنون قدنا .... غلبان وربنا .... وحزنه بكلمة ينساه ....مقهور مكسور مدحور معصور ... راضي بنصيبه يا ولداه .... هتقوللي يعني مصري اصيل .... لا ... والله مهي مكفياه .... هو ده الريس اللي مصر عايزاه .... هيروح بيها في داهية .... وكلنا هنروح وراه ..
عـــــــــامر
|