[د.عبدالرحمن المنياوي]

السلام عليكم بالراحة يا جماعة ..

خلينا واقعيين الأصل في التعيين في التربية والتعليم للتربويين وده كلام لايقبل النقاش ..

هل خريج الآداب ودار علوم تربوي .. لأ

طيب كانوا بيعينوه ليه ؟؟

علشان كان فيه عجز والتربويين قليلين ..

أمال دلوقت فيه إيه ليه الكل بيتعين .. كل التخصصات ..

شوف ياسيدي أنا معاك إن ظروف البلد لم تكن تسمح إن كل يتعين في مجاله يعني لو حد لقي وظيفة في مجاله كان موضوع التربية والتعليم ده آخر ما يفكر فيه ..

بس برضه مع تطور التعليم وتنوعه ظهرت كثير من التخصصات المطلوب التدريس فيها ولا تغطيها كلية التربية .. يعني مثلا المدارس التجارية مين اللي هيدرس تخصصات المحاسبة والاإدارة فيها غير خريجي التجارة .. ومين هيدرس فيها تخصص القانون التتجاري وقوانين العمل والتشريعات غير خريجي الحقوق .. وفي المدارس الفندقية والسياحية أنهوا تخصص في تربية هيدرس تخصصات المدارس دي علما بأن المواد اللي فيها هي المواد اللي أساسا قائم عليها التخصص وتلك المدارس أساسا ... وهكذا .....

علشان كده ضمت التربية والتعليم كل هذه التخصصات وأبدعت موضوع انك تكون تربوي بأخذ الدبلومة التربوية ..