[aleman]

المشاركة الأصلية كتبت بواسطة المحبة لله إيناس

بسم الله والصلاة والسلام على رسول الله

أنا بس كنت عاوزة أوضح لحضرتك نقطة لما كنت باسأل عن مدرسة بعد الابتدائية المواد عندها أقل فى المجهود ما كنتش بأقصد المدارس الخاصة بذوى الاحتياجات الخاصة لا أنا كنت بأقصد مدارس فنية / مدارس كمبيوتر بمعنى مدارس ليس الاسلوب الاكاديمى هو الاسلوب الاساسى
أنا مش عارفة هل قدرت أوصل لحضرتك اللى بأفكر فيه؟ وهل ده موجود ؟
سؤال تانى بعد إذنك أنا إبنى فى مدرسة حكومة فهل من وجهة نظر حضرتك يبقى أحسن لو ألحقته بمدرسة خاصة؟ مع العلم انى حاولت من أول دخوله المدارس انه يلتحق بمدرسة خاصة لكنه لم يجتاز امتحان اللغة الانجليزية وقتها
وجزاكم الله خيرا

اه فهمت حضرتك
انا اللى اعرفه ان فيه مدارس رياضية بتهتم بالالعاب والرياضة مع الدراسة وفعلا بتدرس مواد اكاديمية اقل
وفيه منها اللى بيبدأ من اول ابتدائى وغيرها من اول اعدادى لحد ثانوى
اتمنى حد متخصص هنا بفيدك بمدارس بالقرب من سكنك او مراكز تدريبية بالقرب منك
اما عن موضوع المدارس الخاصة
اوللا ربنا مش رايد انه يدخل مدرسة خاصة من الاول ولحكمة عنده انه رسب بامتحان الانجليزية من قبل والله اعلم برده
ثانيا المدارس الخاصة بالنسبة لحالة ابنك هتبقى مجزرة فلوس من اول متقدميله (مصاريف الدراسة)لحد المعلمين والاتفاق معهم فى دروس له
اما بالمدرسة الحكومى المجزرة هتقل من مصاريف الدراسة وهتبدأ من اول مايسجل باحد الفصول وتبدأى تدخليه دروس مع مدرسين فصله
وياعالم يمكن ربنا ييسره مدرسين كويسين
وفى كلا الحالتين هيعدى باذن الله
استخيرى الله وانا عن نفسى اقولك كمليله بمدرسة عادى بمدرسين فصله وتابعى بره مع متخصصين بالقرب من سكنك

وربنا يكرمك يارب ويجزيكى خير