اعتذر لتاخر ردى
الاطفال الخجولين بالفصل مشكلتهم سهلة جدا لانها بتعتمد عليك كمدرس اولا واخيرا
يعنى ممكن تسأل سؤال هايف جدا وتطلب من الطفل اللى عنك الخجول انه يجاوب عليه واما يجاوب تحييه او تخلى الفصل يصفق له
زائد انك توثق علاقتك بيه
كان عندى بالفصل بنت خجولة جدا بالصف السادس الابتدائى
بصراحة الاول مكنتش واخدة بالى انها بالفصل اصلا
هى بليدة جدا وخجولة جدا فبالتالى محدش يحس بيها
مرة قومتها وسألتها سؤال هايف جدا وللسف معرفتش تجاوب عليه
المهم اتبعت طريقة اخرى
بقيت وانا طالعة من الفصل انادى عليها لتشيل معى الحاجة والكراسات والكتب
مرة على مرة اطلب منها تلملى الكراسات ومحدش غيرها يجيبهوملى
مرة على مرة البنت اخدت عليا
وبقت هى من نفسها بتقوم تحل حتى حلها اغلب الوقت بيكون غلط
بس بتحاول وترفع ايدها
عشان كده بقولك ان المدرس هو اللى عليه العامل الاكبر
__________________
ما تحسَّر أهل الجنة على شيء كما تحسروا على ساعة لم يذكروا فيها اسم الله
http://www.thanwya.com/vb/forumdisplay.php?s=&daysprune=-1&f=995
ارجو الدعاء والمشاركةالفعالة
|