اية رأيكوا يا دكاترة المستقبل في مهزلة نموذج الاجابة ؟؟؟!
اولا و بدون اي مقدمات
مستشارة الاحياء اللي حطيت الامتحان دا ، اثبتت جهلها الذريع بالبيولوجي اللي هي من المفترض مستشارة له !!! و ع رأي عمنا صلاح جاهين " و عجبي "
خلوني اخد رأيكوا و بدون عصبية كدا يا دكاترة المستقبل ،
في سوال التصويب ، بتاعة الانسجة الطلائية ،
طبعا الاجابة الناموزجية ، كانت الغراء العصبي !
و طبعا اغلبيتكوا عملوها كدا ،
طب انا ذنبي اية اني اجرمت و شغلت عقلي ؟!
انا لاقيت السوال بيقول صوب اللي تحته خط ، و اللي تحته خط كان " انسجة طلائية " يعني صفة فسيولوجية ،
فبالتالي انا عدلت الصفة الفسيولوجية ،
و كتبت انسجة ضامة ،
فهل دا ذنبي اني استخدمت هبة ربنا ليا " عقلي " ، و لا لازم اكون قفل و اكتبها سبهللة ؟
خلوني اعرفكوا بمعلومة كدا ، تفتكروني بها - ان شاء الله - لما ربنا يكرمكوا و تدخلوا الطب ( و ادعولي احصلكوا و لو في السبنسة من اي الكليات دي ) ،
تعريف الغراء العصبي طبيا : نسيج ضام ...
و دا سألت فيه قريبي الطالب بطب بنها ، و قال لي ان دا الموجود في قاموسه الطبي
اللي يدخل ويبستر ، اكبر موسوعة للقواميس عالميا ، و يعمل سيرش في قسم القواميس الطبية ، هيلاقي ان كل القواميس بتجمع انه Connective tissue يعني نسيج ضام
و اللي يدخل ويكيبديا ، يلاقي ان الغراء دا مصنف فسيولوجيا كنسيج ضام ، و الراجل بن الحلال اللي اكتشفه ( الباثولوجي ريدولف فيرشو ) وصفه بانه نسيج ضام ،
بصراحة انا مكنتش اعرف المعلومات دي و انا مزروع في اللجنة ، بس استنتجت انه نسيج ضام لان دي الصفة الفسيولوجية اللي بيقوم بها داخل الحزمة كنسيج بيربط بين الالياف ،
فهل الفيصل ، الحظوظ ؟
هل الفيصل ان انا فكرت اغير الصفة و غيري غير الاسم ،
طب ما تيجوا نبص في نفس السوال ع " الانسجة النخاعية " -> " انسجة وعائية "
لية الهانم هنا غيرت الصفة مغيرتش الاسم ؟ مع ان الجملة كانت بتقول ماء و املاح معدنية بس ، يعني وش كدا هتكون انسجة الخشب !!!
فعلا ، انا مش عارف اقول اية ،
انا لسة عندي ملاحظات كتير ع الاستهبال بتاعة الناموزج دا ،
بس رغم كدا ، منقدرش نعيب مستوي اسئلته ، لانها كانت متدرجة تميز الطلبة ، بس الغباء جه في الناموزج ،
دي سنة عثل عثل شكلها كدا !
|