28-06-2011, 10:39 AM
|
|
عضو مجتهد
|
|
تاريخ التسجيل: Jan 2010
المشاركات: 119
معدل تقييم المستوى: 16
|
|
اقتباس:
المشاركة الأصلية كتبت بواسطة هندا زين
حقيقى لو فكرت اقولك حاجة هقول نفس اللى قالتو انا عملت زيك واتشائمت بس برده قلت الحمد لله ودايما بقول "لعله خير"
|
كلمة " لعله خير " فكرتني بقصة جميييييييييلة أووووووووي ياريت نقرأها سوا ..
القصة دي تقريبا من تراث الصين أو اليابان حاجة م اللي هناك دى ..
كان في حكيم ساكن في قرية فوق جبل مع ابنه عنده 18 سنة ..
وكان لا يملك سوى أرض بيزرعها وحصان .. في يوم من الأيام الراجل
صحى الصبح ما لقاش الحصان بتاعه عدا أيام ومرجعش .. فأهل القرية لما عرفوا راحوا يواسوه ويطيبوا خاطره ..
قالهم " لعله خير " .. والناس مستغربين ازاي خير دة انت ماتملكش
غيره .. هو برضه صمم علي رأيه " لعله خير " .. بعد كام يوم لقي
الحصان بتاعه راجع ومعاه قطيييييييييع من الأحصنه ..
الناس عرفوا راحوا يهنوه ويفرحوله .. قالهم ماتفرحوش أوي " لعله خير
أو لأ " ..
بعد كام يوم ابن الحكيم دة كان راكب حصان منهم وقع من فوق تل
ورجله انكسرت .. راح أهل القرية يواسوه .. قالهم " لعله خير "
يقولوله خير ازااااااااي دة انت ابنك الوحيد اتكسر ومش هتلاقي حد
يساعدك في المزرعة .. صمم علي رأيه " لعله خير "
يشاء ربنا بعدها بيومين تقوم حرب وياخدوا كل شباب القرية فوق
18 سنة للقتال وابنه مايروحش ولقدر ربنا نصف شباب القرية يموتوااا
سبحان الله محدش يعرف الخير فيييين ..
نعمل اللي علينا والباقي مش بتاعنا ولا في ايدينا الباقي بتاع ربنا من لا يغفل ولا ينام ..
|