سلام عليكم
على فكرة كلامك خطير جدا
خطر جدا انك تخلط بين الدعاء والتواكل
انا فاهم كلامك كويس
وعارف انك عاوزنا نشتغل ونعمل عشان يبقى حتى فيه امارة ننصر بيها
لكن
على فكرة الدعاء ده اعظم سلاح عند المسلم
تفتكر ايه اللى بفرقك عن اليهودى او النصرانى
الدعاء.....((وقال ربكم ادعونى استجب لكم)
وهو مش اضعف الايمان زى ما احمد رضا بيقول
ده اقوى الايمان
ثم على فكرة عمر الدعاء اللى بتدعيه ما هيخسرك ....انت الكسبان دايما
الدعاء يا اما يستجاب...يا اما يرفع بيه بلاء جاى لك
يا اما يدخر لك فى الاخرة
ثم ان معظم حروب المسلمين..النصر كان بالدعاء مش بسلاح ولا حاجة (قصدى بكترة السلاح مش السلاح ذات نفسه امال هيحاربوا ازاى....يعنى)
تتخيل بعقلك ازاى 20 الف مسلم يهزموا 200000 نصرانى فى موقعة ملاذكرد بقيادة الب ارسلان(احفظها الموقعة دى حلوة والله)
والله ولا الهوا ..ولا تكتيك ولا مخ ولا اى حاجة..(مع انه مطلوب)
فمينفعش نبطل الدعاء حتى ولو كان ده مش قصدك من الكلام
لكن ظاهره بيقول كده
او الناس فهمته كده
يعنى الافضل لو انك اتكلمت عن التوكل والتواكل..(والاتنين عكس بعض علشان اللى بيسأل)
لكن انت المشكلة انك خلطت الامر بالدعاء وهو موضوع تانى
لكن ما علينا
وياريت اننا ندعى ان ربنا يستجيب دعوتنا المتواضعة وسط الركام من البلاوى اللى بنعمله
افتكر الكلام ده انتم حافظينه اكتر منى يعنى!
كل سنة وانتم طيبين
آخر تعديل بواسطة The_Relativistic200 ، 23-01-2008 الساعة 10:16 PM
|