[روووووز]

المشاركة الأصلية كتبت بواسطة Mr. Ali 1

بعد فترة طويلة اقتربت من 5 شهور , عادت العضوة روووووز .
لمن لا يعلم , فروز تم اختطافها من قبل مجهولين ( تردد بأنهم من قبل وزارة التربية والتعليم ) وقد أجبروها طوال تلك المدة علي مذاكرة مواد المرحلة الأولي ( وكمان علمي ) واحتجزوها في حجرة ومنعوها من الخروج منها طوال تلك المدة . وقد أذاقوها كل أنواع العذاب طوال هذه المدة . فمرة يجبروها علي مذاكرة اللغة العربية بكل فروعها , بما فيها فرع النحو ( وما أدراك ما فرع النحو بالنسبة لروز ) ثم انتقلوا بعد ذلك إلي اللغة الانجليزية ( طبعاً مش محتاج أتكلم عنها , الغالبية مش بتحب تسمع حتي الاسم ) وبعدها عذبوها باللغة الفرنسية ( وانتوا أكيد عارفين نطقها وكتابة كلماتها ) وبعد ذلك زادوا من تعذيبها بالرياضيات ( وروز مش حافظة جدول الضرب أساساً ) وفي النهاية أرادوا التنكيل الشديد بها , فوضعوها بمعمل لمذاكرة الكيمياء , ولكنها بفضل الله وعونه تمكنت من التوصل إلي معادلة واجراء تجربة مكنتها من الاختفاء . وهذا ما أتاح لها فرصة العودة سالمة .
ولكن المختطفون اتصلوا بها هاتفياً وتوعدوها بتكرار هذا الأمر معها العام القادم .
ولذلك أهيب بجميع الاعضاء التعاون والتكاتف من أجل حماية روووووز , وذلك بربطها وتكتيفها في المنتدي لحمايتها ( انتوا عارفين الحالة الأمنية اللي في مصر شكلها ايه دلوقتي )
رحبوا بروووووز واسألوها علي اللي حصل معاها طول فترة احتجازها
أنا رحبت بيها علي طريقتي الخاصة
المنتدي نور يا روووووز لدرجة ان النور بقي يفصل كتير من كتر الضغط عليه

ما شاء الله طريقة ترحيب جميلة جدااااا وضحكتنى اوى وانا كان مزاجى وحش
اه والله كان اختطاف مرعب وعذبونى بدل ما اتفرج على افلام اكشن فرجونى على القنوات التعليمية ومدرسة على الهوا وبدل ما اقرأ قصص ومجلات ميكى ماوس والعربى الصغير اشتريت جريدة الجمهورية
انا على اخر الزمن يحصل فيه كدا اااااااه يازمن بتغير الاحوال
اه والله النحو عندى مشكلة بس من الاسبوع الجاى هاخد درس فيه
جدول الضرب طيب الاله الحاسبة راحت فين !!! ده كان زماااان اننا نحفظ جدول الضرب واحنا صغيرين احنا فى عصر التكنولوجيا
الكيمياء كنت مفتكرة ان المعمل هينفجر وانا فيه بس الحمد لله الكيمياء كانت سهله وجميلة وزى الفل
وربنا يستر فى السنة الجاية اكيد الاختطاف هيكون اصعب وحياة او موت

والله المنتدى منور بالاعضاء اللى زى حضرتك والضغط شديد اوى عليه