اقتباس:
المشاركة الأصلية كتبت بواسطة seen
فكرة رائعة جزاكم الله خيرا
|
و جزاكم اخى العزيز ارجو الدخول على الرابط الاتى لمعرفة مستجدات الاجتماع الاول
http://www.thanwya.com/vb/showthread.php?t=335301
اقتباس:
المشاركة الأصلية كتبت بواسطة msh-tlba
انا في 3 ثانوي ،
النهاردة اخر يوم لينا ،
ادعولنا بئا ربنا يوفقنا في المستوي و نلم اللي طار ف الانجلش و الاحياء ،
انا معجب جدا بفكرتكوا ،،، و الاجمل منها كمان الروح دي اللي عندكوا ، دا انتوا حتي بدأينها بدري اوي ، لسة قبل النتيجة و قبل اي حاجة كدا ،
بس بجد ربنا يوفقكوا ،
احنا الروح دي جت لنا في اخر 8 ايام قبل امتحان الاحياء ،
جينا القسم هنا و عملنا ثورة في القسم و ملئناه اسئلة و مراجعات و ملاحظات ، و بجد الحاجات دي فيدتنا كتير ، و صدقوني حمتني انا شخصيا من درجات كنت هطيرها في الاحياء في جزئيات صغيرة كدا كنت بعديها ،
المهم ، نصيحتي تبدأوها فيزيا ، يمكن تتصدموا في الاول ، بس صدمة الفيزيا كل ما كانت بدري كل ما كان احسن ،
انا اتصدمت فيها في شهر 8 ، مفوقتش من الصدمة غير في شهر 12 ، بس الحمد لله لحقتها ، اينعم تعبت شويتين تلاتة اربعة ، بس الحمد لله تمام .
و ابدأوها بالاجزاء السهلة حسب ترتيب المنهج ، حاولوا متحفظوش ، افهموا اوي ، حلوا مسائل كتير ، اتدربوا ع كل الافكار ، اوعوا تستبعدوا حاجة ،
دي نصيحة مجرب صدقوني ، لو عملتوا كدا يبئا تنسوا حاجة اسمها " بعبع الثانوية العامة "
ع فكرة انا مش طالب متميز اوي ، انا ممكن اكون فوق متوسط ( انا كنت جايب في 2ث 97 % ) ،،، بس بجد بنصحكوا كأخ ليكوا كبير ،
يلا بالتوفيق ،
|
الف الف الف شكر على النصيحة هو ده بجد اللى احنا محتاجينه . و انا والله و كتير زيى فاهمينك انت تقصد ايه بكلمة تعبت لان احنا بردو حصل معانا زى كده و مش عايزين ده يتكرر فى تالتة علشان كده احنا بنضحى بالاجازة دى .