[محمد عياط]

المشاركة الأصلية كتبت بواسطة alkateem12

الأخ الكريم محمد عياط
السلام عليكم ورحمة الله وبركاتة
أخى محمد أنا بستلم مرتب فى يدى وهو بجملة 715 وشويةقروش بالحافز وبدل النقدى وكلة بمعنى أن هذا المبلغ صافى تمام التمام مشفى من كل العظام ولم يكن به أى ريش أو دهون ولكن أنت حسبت جملة مرتبى وكان الناتج بعد الهيكلة وكان الصافى مفرح ومبهر وكبييييييييييييييير خالص وأصابنى بالجنون من شدة الفرحة وفرحت العيال وأم العيال وقلتلهم هيصوا الدولة زودت الراتب بطريقة خيالية ومرتبى وهتاكلوا لحمة وهتتكسوا على العيد وهتروحوا السيما ويمكن هوديكوا شرم الشيخ بس أحصل على تصريح من الأمن والمرتب يا ولادى وصل إلى 0803.07 ياااااااااااااااه ثمانمائة وثلاثة جنيهات يعنى مرتبى ذاد بعد الثورة زيادة خيالية بمقدار 112 مائة وأثنى عشر جنيها" لاغير
هذا أفضل حال وطبعا" المسئولين بكدة تعبوا وسهروا وبذلوا مجهود كبيير حتى توصلوا لأفضل حل لتقريب الفروق الأجتماعية يااااااااه دحنا بقينا مهذلة دانا زميلى المعين معايا بيحصل على عدة آلاف من الكهرباء أو العدل أو البترول شفتوا مصيبتنا يا مصريين بكدة يبقى لافى ثورة ولات صورة بالألفاظ الليبية وسلمولى على كل من ذهب إلى ميدان التحرير وكمان ياريت تترحموا على القضاء المصرى لأنه أصدر أحكام ولكن ذهبت مع الريح ولكن هناك ملاحظة يا أخ محمد مرتبى مذدش والا حاجة وأنت حرمتنى حتى من العلاوات الدورية وال 10% والذى هيضاف على الأساسى من علاوات قديمة تعرف لية لأن مرتبى بطريقتك لم يصل إلى 803 جنية لأن هناك خطأ تعرف آية هو لأنى لم أحصل على بدل معلم وهو بالكشف بتاع حضرتك مسجلة بقيمة 188 جنية وخمس قروش يعن ال 803 هينقصوا ال 188 يعنى أنا ليس تحت طائلة قانون الهيكلة ولا زيادة العلاوات ومبشتغلش فى egypt بشتغل عند أم ترتر
على فكرة أنا تعيين 1/5/1987 وحاصل على الدرجة الثانية1/7/ 2008 ومرتبى 715 جنية صافى والعيال صوتوا يامحمد ياعياط وعاوزين يهنوك على عبقريتك وقالوا عليك الراجل ده من فلول النظام ويويل الى تدعى علية الغلابة
أبوفيــاض

أولآً آسف إن كان عند حضرتك شيء خلط بس أن وضحت من الأول إن هذا إجتهاد شخصي منى لأنني أقوم بعمل المرتبات على برنامج الإكسل لو حضرتك عايز تتأكد أرسل لي العلاوات الخاصة وعلى فكرة علاوة 2006 هي 36 ووصل تعليمات إلى الإدارة طرفنا بعمل المرتبات على النظام القديم وهي إضافة علاوة 2006 + علاوة الدرجة وهي لحضرتك عشان على الثانية 5 جنهيات يعنى أساسي حضرتك هيزيد 41 جنيها وعلى هذا أعتذر لحضرتك ومازلت أكرر أن هذا إجتهاد منى وإن كان هناك أي تعليمات آخر سوف أبلغ حضرتك بها ( حمل هذا المرفق وضع فيه اساسي 2010 ثم أساسي 2011 وضع علاوات حضرتك من مفردات مرتبك وللعلم حضرتك لم تحصل على بدل إعتماد مش بدل معلم لأن بدل المعلم هو المرحلة الأولى من الكادر وهو يطبق على جميع المعلمين وهو بنسبة 50% من أساسي العام الماضي . آخيراً أعتذر عن الإطالة وذلك للتوضيح